నగదు గరిష్ట ఉపసంహరణ అంక్షల నుంచి మినహాయింపు..

Posted: 04/06/2017 06:04 PM IST

పాతనోట్ట రద్దు చేపట్టడం వెనుక కేంద్ర ప్రభుత్వం అసలు ఉద్దేశ్యం ఏమిటో గానీ. అ నాటి నుంచి అంచెల వారీగా అనేక నిబంధనలు, అంక్షలను కొనసాగిస్తూ వస్తుంది. ఈ నేపథ్యంలో ఏ ఒక్కరికీ రోజుకు రెండు లక్షల రూపాయలకు మించి నగదు లావాదేవీలు జరపరాదని దేశ ప్రజలకు షాకిచ్చిన విషయం తెలిసిందే. అయితే దీని పరిధి నుంచి పలువరుని మినహాయిస్తూన్నట్లు ఇవాళ తాజాగా ప్రకటించింది. రూ.2 లక్షలకు మించి నగదు లావాదేవీల ఆంక్షలపై తాజాగా వెలువరించిన ప్రకటనలో పలువురికి మినహాయింపు కల్పిస్తున్నట్లు తెలిపింది.

ఆదాయపన్ను చట్టంలో  కొత్తగా చేర్చిన సెక్షన్‌ ప్రకారం  బ్యాంకులకు, పోస్ట్ ఆఫీస్ సేవింగ్స్ బ్యాంకు ఖాతాలు , కో-ఆపరేటివ్ బ్యాంకు ఖాతాల నగదు ఉపసంహరణలకు ఈ నిబంధన వర్తించదని ప్రత్యక్ష పన్నుల కేంద్రీయ బోర్డు ఇవాళ వెల్లడించింది. ఈ విషయమై త్వరలోనే అవసరమైన నోటిఫికేషన్ ను జారీ చేస్తామని తెలిపింది. ఫైనాన్స్ బిల్లు 2017లో నగదు లావాదేవీలపై నిషేధం ఉన్నప్పటికీ, ఈ  పరిమితులు బ్యాంకులు, పోస్ట్‌ ఆఫీస్‌, కోఆపరేటివ్‌  బ్యాంక్‌  సేవింగ్‌ ఖాతాదారులకు వర్తించవని స్పష్టం చేసింది. దీంతో వీరికి నగదు ఉపసంహరణల అంక్షల నుంచి మినహాయింపు లభించింది.