తన జీవితంలో ఎన్నో బాధలను తాను ఎదుర్కున్నానని, తీవ్రమైన ఒత్తిడికిలోనై పలుమార్లు ఆత్మహత్య చేసుకోవాలని భావించానని, వాటిల్లో ఏ ఒక్కటి సక్సెస్ అయినా, తానిక్కడ నిలబడి ఉండేవాడిని కానని జనసేన అధినేత, సినీనటుడు పవర్ స్టార్ పవన్ కల్యాణ్ చెప్పారు. తన జీవితంలోని అనేక విషయాలను హార్వార్డ్ యూనివర్శిటీలో జరుగుతున్న 'ఇండియా కాన్ఫరెన్స్'లో ఆయన తన ప్రసంగం ద్వారా విద్యార్ధులతో పంచుకున్నారు. చిన్నతనంలో టీచర్లు చెప్పిన అంశాలు నిజ జీవితంలో కనిపించక, చదివేది, చూసేది వేరువేరని మనసుకు తెలుస్తుంటే, వాస్తవం చెప్పేవారు లేక తానెంతో మానసిక క్షోభను అనుభవించానని చెప్పారు. టీచర్లు తనను కొడుతూ ఉంటే ఒక్కోసారి తట్టుకోలేకపోయానని అన్నారు.
పదో తరగతి నుంచి అన్ని క్లాసులూ తప్పుతూనే వచ్చానని అన్నారు. ఎన్నోసార్లు ఇక జీవితం వద్దని భావించానని చెప్పారు. జీవితంలో ఎటు వెళ్లాలో నిర్ణయం తీసుకోలేకపోయిన రోజున, ఒడిదుడుకులు ఎదురైన రోజున ఆత్మహత్య చేసుకోవాలని భావించి, ప్రయత్నించి విఫలమైనానని చెప్పుకొచ్చారు. తన ఫ్రెండ్స్ అంతా పై చదువుల నిమిత్తం విదేశాలకు వెళుతుంటే, తన మనసు బాధపడేదని, తాను వెళ్లలేకపోయినందుకు చింతించానని చెప్పారు. ఆయన ప్రసంగం సభికుల్లో ఉత్తేజంతో పాటు కంటతడిని కూడా పెట్టించింది. అయితే తాను చదువులో రాణించలేకపోవడానికి తన తండ్రి ఉద్యోగం కూడా ఒక కారణమని తెలిపారు జనసేనాని. చిన్నప్పుడు తాను ఎదుర్కొన్న అనుభవాలను చెబుతూ ఆయన భావోద్వేగానికి లోనయ్యారు పవన్.
ఒక రోజు టీచర్ 'మా బడి' అనే పాఠం చెబుతున్న వేళ జరిగిన ఘటన గురించి చెప్పారు. "పాఠశాల ఎలా ఉంటుంది, ఎంత అద్భుతంగా ఉంటుంది, ఆటస్థలం, చెట్లు, మొక్కలు, లైబ్రరీ తదితర సదుపాయాలు... ఇలా చెప్పుకుంటూ వెళుతున్న వేళ, నేను నా పక్క విద్యార్థితో మాట్లాడుతూ ఉన్నాను. అది చూసిన టీచర్ నన్ను లేపి ఏం మాట్లాడుతున్నావని అడిగింది. మన స్కూల్ లో ఆటస్థలం లేదు, బుక్స్ లేవు, చెట్లు కూడా లేవు. అదే విషయాన్ని చెబుతున్నానని చెప్పాను. అంతే... టీచర్ నన్ను బాగా కొట్టారు. అది ఇప్పటికీ మరచిపోలేను. ఆ క్షణంలో నాకు తెలిసింది ఏంటంటే... పుస్తకాల్లో చెప్పేది వేరు, వాస్తవంగా జరిగేది వేరు. చెప్పేది ఒకటి... చేసేది ఒకటి' అది నాకు ఇప్పటికీ గుర్తుంది. అందుకే నేను రాసిన పరీక్షల్లో విజయవంతంగా ఫెయిల్ అయ్యాను. నా జీవితం ఎన్నో పాఠాలు నేర్పింది" అని పవన్ అన్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more