మాల్యా చెప్పేదాంట్లో అసలు నిజమెంత?

Posted: 01/28/2017 10:59 AM IST

మనీలాండరింగ్ కేసులో రెండు రోజుల క్రితం నిఘా సంస్థ సెంట్రల బ్యూరో ఆఫ్ ఇన్వెస్టిగేషన్ (సీబీఐ) విజయ్ మాల్యా కు చెందిన యూబీ గ్రూప్ సంస్థలపై దాడులు నిర్వహించిన విషయం తెలిసిందే. 900 కోట్ల లోను బకాయిలకు సంబంధించిన ఈ దాడుల్లో 9 మందిని అరెస్ట్ కూడా చేశారు. అయితే న్యాయస్థానం తనను దోషిగా తేల్చే వ‌ర‌కు తాను అమాయ‌కుడినేన‌ంటున్నాడు ఈ మాజీ లిక్క‌ర్ కింగ్.

శుక్ర‌వారం వ‌రుస‌పెట్టి ట్వీట్లు చేసిన మాల్యా, మీడియానే త‌న‌ను దోషిని చేసింద‌ంటూ మండిప‌డ్డాడు. త‌న సార‌థ్యంలోని కింగ్‌ఫిష‌ర్ ఎయిర్‌లైన్స్ బ్యాంకుల‌కు బకాయి ప‌డిన విష‌యంలో న్యాయ‌ప‌రంగా ఇప్ప‌టి వ‌ర‌కు ఎటువంటి నిర్ణ‌యం రాలేద‌ని, అటువంట‌ప్పుడు తనను దోషిగా ఎలా చిత్రీక‌రిస్తార‌ని మీడియాపై మండిప‌డ్డాడు. వ్య‌క్తిగ‌త హోదాలో ఎంత రుణ‌ప‌డి ఉన్నాన‌నేది విచార‌ణ‌లో తెలుస్తుంద‌ని అన్నాడు.

సాధార‌ణంగా మ‌న దేశంలో దోషిగా తేలే వ‌ర‌కు అమాయ‌కుడిగానే ప‌రిగ‌ణిస్తార‌ని, కానీ వివిధ ర‌కాల‌ ప్ర‌భావాల‌కు లోనైన మీడియా త‌న‌ను దోషిగా ప్ర‌క‌టించేసింద‌ని ట్వీట్‌లో ఆవేద‌న వ్య‌క్తం చేశా. బ్యాంకుల‌కు బ‌కాయి ప‌డిన కారణంగానే విదేశాల‌కు పారిపోయాన‌ని అంటున్నార‌ని, కానీ త‌ను వ్య‌క్తిగ‌తంగా ఏనాడూ రుణాలు తీసుకోలేద‌ని మాల్యా పేర్కొన్నాడు.

"Loot"..."Gate" etc etc...such innovative headlines to describe me without Judicial determination ?? Fair and unbiased reporting ??

— Vijay Mallya (@TheVijayMallya) January 28, 2017

అయితే మాల్యాకు మరో దారిలేకనే ఇలా తీవ్ర విమర్శలకు దిగుతున్నాడంటూ ఓ సీనియర్ అధికారి వ్యాఖ్యానించాడు. అల్రెడీ అతనిపై రెడ్ కార్నర్ నోటీసు జారీ చేశారు. కేవలం తనపై సానుభూతి కలిగేందుకే మాల్యా ఇలాంటి వ్యాఖ్యలు చేస్తున్నాడంటూ ఆయన అన్నాడు.