పార్టీ చీఫ్ గానే కాదు, సీఎంగా కూడా బాధ్యతలు చేపట్టేందుకు శశికళ నటరాజన్ కు లైన్ క్లియర్ అవుతోంది. ప్రస్తుతం అక్కడ అంతా చిన్నమ్మ కనుసైగల్లోనే జరుగుతుందన్న విషయం తెలిసిందే. కింది స్థాయి నేతలు ప్రతిఘటిస్తున్నప్పటికీ, 62 ఏళ్ల శశి ముఖ్యమంత్రి కావాలంటూ సీనియర్లతోసహా పలువురు డిమాండ్ లేవనెత్తుతున్నారు. లోక్ సభ డిప్యూటీ స్పీకర్ తంబిదురై సహా మంత్రులు ఆర్పీ ఉదయ్కుమార్, సేవూరు రామచంద్రన్, కడంబూరు రాజాలు తోడయ్యారు. శశికళను కలిసి సీఎం పగ్గాలు స్వీకరించాల్సిందేనని ఒత్తిడి పెంచుతున్నారు. ఈ నేపథ్యంలో ఆమె పగ్గాలు చేపట్టడం దాదాపు ఖాయమైపోయిందనే సంకేతాలు అందుతున్నాయి.
నేడు(బుధవారం) రాష్ట్ర క్యాబినెట్ అత్యవసరంగా సమావేశం కానుంది. ఈ ఉదయం 9:30 గంటలకు ముఖ్యమంత్రి పన్నీర్ సెల్వం నేతృత్వంలోని మంత్రివర్గ సభ్యులు భేటీ కానున్నారు. కేబినెట్ సమావేశంలో సీఎంపై మార్పుపై వస్తున్న వదంతులపైనే ప్రధానంగా చర్చించనున్నట్టు తెలుస్తోంది. కాగా, మరోపక్క నేడు మరిన్ని కీలక సమావేశాలు కూడా జరగనున్నాయి. పార్టీ చీఫ్ శశికళ పార్టీ ప్రధాన కార్యాలయంలో జిల్లా అధ్యక్షులతో ప్రత్యేకంగా సమావేశం కానున్నారు.
మరోవైపు రెండు రోజుల క్రితం ముఖ్యమంత్రి పన్నీర్ సెల్వం సహా మంత్రులు, నేతలు పోయెస్గార్డెన్లో చిన్నమ్మతో సమావేశమై సీఎం పదవిపై మరోమారు ఒత్తిడి తీసుకొచ్చినట్టు తెలుస్తోంది. ఈనెలలో జరగనున్న పార్టీ వ్యవస్థాపక అధ్యక్షుడు ఎంజీ రామచంద్రన్ శతజయంతి ఉత్సవాల నాటికి శశికళను సీఎంను చేయడమే ధ్యేయంగా నేతలు పనిచేస్తున్నారు. జిల్లాల వారీగా సమావేశాలు నిర్వహించిన తర్వాత రాష్ట్రస్థాయిలో భారీ సమావేశం ఏర్పాటు చేసి సీఎంగా శశికళను ఎన్నుకునేందుకు ప్రణాళిక సిద్ధం చేసినట్టు తెలుస్తోంది.
తమిళనాడు ప్రజలకు పవిత్ర దినమైన పొంగల్ పండుగ నాడు ముఖ్యమంత్రి పదవిని అధిష్ఠించనున్నట్టు సమాచారం. ఈనెల 12న సీఎం పగ్గాలను ఆమె చేతిలో పెట్టాలని పార్టీ భావిస్తోంది.
డీఎంకే పోటాపోటీ సమావేశం...
అలాగే ప్రతిపక్ష డీఎంకే కూడా నేడు సర్వసభ్య సమావేశం నిర్వహించనుంది. పార్టీ ప్రధాన కార్యాలయంలో జరగనున్న ఈ సమావేశానికి రెండు నెలల తర్వాత పార్టీ చీఫ్ కరుణానిధి హాజరుకానున్నట్టు సమాచారం. ప్రధాన ప్రతిపక్ష నేత ఎంకే స్టాలిన్కు నిర్వాహక అధ్యక్షుడి పగ్గాలు అందించే అవకాశం ఉన్నట్టు తెలుస్తోంది.
ఒకే రోజు అధికార, ప్రతిపక్షాలు కీలక సమావేశాలు నిర్వహించడంతో రాష్ట్ర రాజకీయాల్లో మరోమారు వేడి రాజుకుంది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more