హ్యూమన్ ట్రాఫికింగ్(మనుషుల అక్రమ రవాణా) ప్రపంచ వ్యాప్తంగా కొనసాగుతున్న ఈ మాఫియాను అరికట్టేందుకు ఆయా దేశాలు కఠిన చట్టాలను తెచ్చే యత్నం చేసినప్పటికీ అడ్డుకట్ట పడటం లేదు. తాజాగా ఐక్యరాజ్యసమితికి చెందిన మాదక ద్రవ్యాలు, నేరాల నిరోధక కార్యాలయం (యూఎన్ఓడీసీ) విడుదల చేసిన ఓ నివేదికలో భయంకరమైన విషయాలు వెలుగుచూశాయి.
కేవలం వ్యభిచారం కోసం, నీలి చిత్రాల నిర్మాణం కోసం, వెట్టిచాకిరి కోసమే ఎక్కువగా వినియోగిస్తున్నారు. పసిప్రాయంలో చిన్నపిల్లలను ఎత్తుకెళ్లి సెక్స్ బానిసలుగా, పని మనుషులుగా మార్చేసుకుంటున్నారు. మగ పిల్లలను అయితే గనుల మైనింగ్ కార్యకలాపాల్లో, ప్రైవేటుసైన్యంలో, టెర్రరిస్టుల తరఫున ఆయుధాలుగా మార్చేసుకుంటున్నారు. అంతేనా బిచ్చగాళ్ల ముఠాలు కూడా ఇందుకు మినహాయింపేం కాదు.
ఓ ప్రాంతం నుంచి మరో ప్రాంతానికే కాదు, దేశాలు,ఖండాలు ఇలా ఈ అక్రమ రవాణా కొనసాగుతోంది. యూఎన్ విడుదల చేసిన జాబితా ప్రకారం ప్రతి ముగ్గురిలో ఒకరు పిల్లలే బాధితులుగా ఉంటున్నారు. మొత్తం అక్రమ రవాణాలో 28 శాతం పిల్లలు ఉంటున్నారు. ఇక మహిళలు, బాలికలను కలుపుకొంటే 71 శాతం మంది ఉన్నారు. మహిళలను, బాలికలను సెక్స్ ట్రేడ్లోకి దించుతున్నారు, నీలి చిత్రాల నిర్మాణానికి ఉపయోగిస్తున్నారు.
ప్రపంచవ్యాప్తంగా అక్రమంగా రవాణా అవుతున్న 28 శాతం పిల్లల్లో సబ్ సహారా ఆఫ్రికా, మధ్య అమెరికా, కరేబియన్ ప్రాంతాలకు చెందిన పిల్లలే 62 నుంచి 64 శాతం ఉంటున్నారు. ఇది కేవలం 2012 నుంచి 2014 ఏళ్ల మధ్య ప్రపంచవ్యాప్తంగా కొనసాగిన మానవ అక్రమ రవాణా వివరాలు మాత్రమే. ఆర్థిక పరిస్థితులను ఆసరాగా చేసుకుని వాళ్లని తమ ఉచ్చులోకి లాక్కుంటున్నారని యూఎన్ఓడీసీ ఎగ్జిక్యూటివ్ డైరెక్టర్ యూరి ఫెదదోవ్ చెబుతున్నాడు.
2003 లో ప్రపంచంలోని 18 శాతం దేశాల్లో కఠినచట్టాలు అమల్లో ఉండగా, నేడు 88 శాతం దేశాల్లో కఠినచట్టాలు ఉన్నాయని, అయినా ఈ రవాణాకు అడ్డుకట్ట పడలేకపోతుందని ఆయన వాపోతున్నాడు. ప్రపంచవ్యాప్తంగా 2030 సంవత్సరం నాటికి మానవ అక్రమ రవాణాను గణనీయంగా అరికట్టాలనే ఉద్దేశ్యంతో తమ విభాగం పని చేస్తోందని వివరించాడు. లక్ష్యాలను సాధించాలంటే ఇలాంటి కేసుల్లో కఠిన శిక్షలు విధించాల్సి ఉంటుందని ప్రపంచదేశాలకు పిలుపునిచ్చాడు ఆయన.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more