ఆ పార్టీలో చిన్నమ్మ భజనకు తెరలేచింది

Posted: 12/11/2016 11:58 AM IST

Aiadmk defends sasikala says gen secy will be elected soon

అమ్మ, తమిళుల పాలిట పురచ్చి తలైవి, తమిళనాడు దివంగత ముఖ్యమంత్రి జయలలిత అనంత వాయువులలో ఐక్యం కాగానే పార్టీని నడిపేదెవరూ అన్న ప్రశ్నలతో సతమతం అవుతున్న తమిళులకు చిన్నమ్మ కనపించారు. జయలలిత నిచ్చెలిగా అమె తరువాత అంతా ఈమె అన్నట్లుగా పార్టీలో నెంబర్ టు స్థానాన్ని అధిరోహించిన వ్యక్తి అమె. అయితే గత కొన్నాళ్ల క్రితం అమెను జయలలిత మొత్తానికి దూరం పెట్టారు. ఆ తరువాత పార్టీ వ్యవహరాల నుంచి అమె భర్తను దూరం చేశారు. అయితే అమ్మతో చనిపోయినప్పుడు మాత్రం శశికళ అమె పక్కనే వున్నారు. అంత్యక్రియలు కూడా అమె నిర్వహించారు.

అమ్మ కాలగమనంలో కలసిపోయిన తరువాత అర్థరాత్రి పన్నీరు సెల్వం ముఖ్యమంత్రిగా ప్రమాణం చేసిన పాలనాపగ్గాలను అందుకున్నారు. కాగా ఇక పార్టీని నడిపేదెవరని ప్రశ్న ఉత్పన్నం కాగానే క్రితం రోజు రాత్రి పలువురు ఎమ్మెల్యేలు చిన్నమ్మ శశికళ వైపు అకర్షితులయ్యారు. అమెను పార్టీ ప్రధాన కార్యదర్శి పదవిని అందుకొమ్మని వేడుకున్నారు. దీంతో పార్టీలో చిన్నమ్మ భజన వేగంగా తెరమీదకు వచ్చింది. ఈ క్రమంలో జయ టీవీ ప్రసారం చేసిన మరో వార్త కూడా సంచలనంగా మారింది.

ముఖ్యమంత్రి పీఠంపై కన్నేసిన శశికళ, జయలలిత మరణించగానే తన వర్గం వారితో రాజకీయ నాటకాలకు తెరలేపిందన్న వార్తల నేపథ్యంలో ఇక సీఎం సెల్వంకు, శశికళకు మధ్య భగ్గుమంటుందని వార్తలు వెలువడుతున్న నేపథ్యంలో.. చిన్నమ్మ శశికళే పార్టీ ప్రధానకార్యదర్శిగా బాధ్యతలు స్వీకరించి అన్నాడీఎంకేను ముందుకు నడిపించాలని సీఎం పన్నీరు సెల్వం స్వయంగా కోరినట్లు వార్తలు ప్రసారం కావడం పార్టీ వర్గాలను షాక్ కు గురిచేశాయి.

ఈ విషయంలో మరో ఆలోచన లేదని, అలాంటిది ఏదైనా ఉంటే వారు నిజమైన అన్నాడీఎంకే కార్యకర్తలు కారని సెల్వం అన్నట్లు జయ ప్లస్ టీవీ పేర్కొంది. జయలలిత బాధల్లో శశికళ అండగా నిలబడ్డారని సెల్వం అన్నట్లు చెప్పింది. 30 ఏళ్లకు పైగా అమ్మతో కలిసి పనిచేసిన శశికళకు పార్టీని ఎలా నడపాలో తెలుసునని సెల్వం అన్నారు. అంతేకాకుండా అమ్మ లాగే శశికళ పార్టీలోని ప్రతి కార్యకర్తకు తెలుసని చెప్పారు. పార్టీలో పరిపాలన సజావుగా సాగాలంటే కచ్చితంగా చిన్నమ్మే పగ్గాలు అందుకోవాలని పేర్కొన్నారు.