ఈ-పేమెంట్ తో ఎవరికి లాభం?

Posted: 12/05/2016 05:11 PM IST

పెద్దనోట్ల రద్దు నేపథ్యంలో నగదు చెల్లింపులపై అన్ని ప్రభుత్వ శాఖలకు కేంద్రం కీలక ఆదేశాలు జారీ చేసింది. ఇకపై ఐదు వేల దాటి నగదు చెల్లింపులు చేయాలంటే ఈ-పేమెంట్ సౌకర్యం వాడుకోవాలంటూ కేంద్ర ఆర్థిక శాఖ మంత్రి అరుణ్ జైట్లీ కీలక ఆదేశాలు జారీ చేశారు. ప్రభుత్వ చెల్లింపులన్నీ డిజిటలైజ్ చేసి, ఈ-పేమెంట్స్ ను ప్రోత్సహించాలన్న సంకల్పంతో అన్ని మంత్రిత్వశాఖలకు ఈ ఉత్తర్వులను జారీ చేస్తున్నట్లు తెలిపింది.

కాగా, గత ఆగస్టులో నగదు చెల్లింపులపై రూ.10 వేల వరకు పరిమితి విధించగా, ఇప్పుడు దానిని కేంద్రం రూ.5 వేలకు కుదించడం గమనార్హం. ఇంటర్నెట్‌ బ్యాంకింగ్‌, ఈ-పేమెంట్స్‌ను మరింతగా ప్రోత్సహించాలని, దేశమంతటా నగదు రహిత చెల్లింపుల విధానం తీసుకురావాలని కేంద్రం సంకల్పించిన సంగతి తెలిసిందే. ఈ నేపథ్యంలోనే జైట్లీ ఆమోదంతో తాజా ఉత్తర్వులు జారీఅయ్యాయి.ఈ విధానం తక్షణం అమల్లోకి వస్తుందని పేర్కొంది. ఈ మేరకు అన్ని ప్రభుత్వ విభాగాలకు, మంత్రిత్వశాఖలకు ఆదేశాలు జారీ చేసింది.