ITEMVIDEOS: రూ. 6వేల కోట్ల సరెండర్ చేసిన ప్రధాని మిత్రుడు

Posted: 11/15/2016 12:07 PM IST

కేంద్ర ప్రభుత్వం అవినీతి, నల్లధనంపై సాగిస్తున్న యుద్దం నేపథ్యంలో యావత్ దేశంలో తొలిసారిగా ఓ వ్యాపారి తన నిజాయితీని కనబర్చాడు. అయన మరెవరో కాదు స్వయంగా ప్రధానమంత్రి నరేంద్రమోడీకి అత్యంత సన్నహితుడే. నల్లధనంపై కేంద్రం మోపిన ఉక్కుపాదం నేపథ్యంలో సామాన్యులు కష్టాలు పడుతుండగా, నల్లధన కుబేరుల గుండెళ్లో మాత్రం రైల్లు పరిగెడుతున్నాయి. ఈ క్రమంలో గుజరాత్ కు చెందిన వజ్రాల వ్యాపారిగా గుజరాత్ వాసులకు సుపరిచితుడైన దేశంలోనే అత్యంత సంపన్నుడైన లాల్జీభాయ్ పటేల్.. ఏకంగా 6 వేల కోట్ల రూపాయలను ప్రభుత్వానికి సరెండర్ చేశారని సమాచారం.

కాగా, వజ్రాల వ్యాపారిగా కన్నా ప్రధాని మిత్రుడిగా, నరేంద్రమోడీకి ఆయన పేరును గీత క్రమంలో బంగారు తీగలతో కుట్టించిన బహుకరించిన సూట్ వల్లే దేశప్రజలకు సుపరిచితం. దీంతో అప్పట్లో ప్రధానిపై విమర్శలు వెల్లివిరిసాయి. అది కేవలం 14 లక్షల సూట్ అని, దానిని ప్రధాని మిత్రుడు లాల్జీభాయ్ పటేల్ బహుకరించారని బీజేపి వర్గాలు చెప్పడంతో ఆ అంశాన్ని పక్కన బెట్టారు. దీనితో అత్యంత ఖరీదైన సూట్ గా ఆయన గెన్నీస్ రికార్డు కూడా సాధించారు. ప్రధాని నల్లధనంపై యుద్దం నేపథ్యంలో ఆయన రూ. 6000 కోట్లను ప్రభుత్వానికి అందజేశారు. దీపావళి సందర్భంగా తన ఉద్యోగులకు కార్లు, ఇళ్లు ఇచ్చిన ఘనత కూడా ఈయనకు ఉంది. అంతేకాదు, దేశవ్యాప్తంగా బాలికా విద్య కోసం ఈయన రూ. 200 కోట్ల విరాళం కూడా ఇచ్చారు.