ఆ విశాఖ తండ్రి నిజంగా ‘‘శివగామే’’

Posted: 09/28/2016 10:32 AM IST

Bahubali movie inspires vishaka father to carry infant to hospital

సినిమాలు మనుషులను పెడుదోవ వైపు మళ్లిస్తున్నాయన్న విమర్శలు వస్తున్న నేటి రోజుల్లో.. వాటిని వినోదభరితంగానే చూసి వదిలేసే వారి సంఖ్య కూడా తక్కువేం లేదు. అయితే తమను సమస్యలు వెన్నాడినప్పుడు సినిమాలు చూపించిన మార్గల్లోనే పరిష్కారాలు చేసుకునే అవకాశముంటే.. అది నిజమైన బతుకు చిత్రంగా రూపుదిద్దుకుంటుంది. సరిగ్గా అలాంటి ఘటనే ఇక్కడ అవిష్కృతమైంది. రాజమౌళి రూపోందించిన బాహుబలి చిత్రంలోని శివగామి పాత్రధారిణి రమ్యకృష్ణ తన బిడ్డను ఏరు దాటించేందుకు చేసిన సాహసమే.. ఇప్పుడు విశాఖ జిల్లాలోని ఓ వ్యక్తిని ప్రేరేపించి తన పసిపాపకు వైద్యాన్ని అందించేలా చేసింది.

వివరాల్లోకి వెళ్తే విశాఖ జిల్లా చింతపల్లి మండలం కుముకుసారికి చెందిన పాంగి సత్తిబాబుకు ఏడాది కుమార్తె వుంది. ఆ పనికూన గత నాలుగు రోజులుగా తీవ్ర జ్వరంతో బాధపడుతోంది. అయితే అమెకు చికిత్స చేయించాలంటే తమ గ్రామ రహదారిలో వున్న కాలువ దాటాల్సిందే.. కానీ ఆ కాలువ ఇటీవలి వర్షాలతో ఉధృతంగా ప్రవహిస్తోంది. ఎలాగైనా తన ఏడాది కుమార్తెను కాపాడుకునేందుకు ఆ కాలువను సైతం ఎదిరించడానికి సిద్ధపడ్డాడు. బాహుబలి సినిమాలో పసికందును చేతితో పైకెత్తి ప్రవాహానికి ఎదురునిలిచిన రమ్యకృష్ణను గుర్తుకు తెచ్చేకుని అచ్చంగా అలానే తన బిడ్డను ఏరు దాటించాడు..

సినిమాలు, నిజ జీవితం వేరంటూ ఆయన బంధువులంతా వద్దని వారిస్తున్నా.. తన కూతరుకు వైద్యం అందించి.. రక్షించుకునేందుకు ఆయన తీవ్రంగానే శ్రమించాడు. వారం రోజులుగా కురుస్తున్న వర్షాలతో కుడుమసారి కాలువ ఉధృతంగా ప్రవహిస్తున్న తన కుమార్తెకు వచ్చిన జర్వం అయనను లక్ష్యం వైపు నడిపించింది. పసికందును చేతుల పెకైత్తుకొని అతికష్టమ్మీద కాలువ దాటాడు. తర్వాత సుమారు 5 కిలోమీటర్ల మేర నడిచి మెయిన్‌రోడ్‌కు చేరుకొని లోతుగెడ్డ పీహెచ్‌సీకి తీసుకెళ్లాడు. చికిత్స అనంతరం చిన్నారికి ఎలాంటి ప్రమాదం లేదని వైద్యుడు చెప్పడంతో సత్తిబాబు ఊపిరి పీల్చుకున్నాడు.