ఆ ఢిల్లీ పోలీస్ పెద్ద కామ పిశాచి

Posted: 09/13/2016 03:59 PM IST

లైంగిక దాడులకు ఫేమస్ అయిన దేశ రాజధాని ఢిల్లీలో ఈ మధ్య అధికార పక్షం నేతలు కూడా ఈ జాబితాలోకి చేరిపోతున్నారు. ఆప్ నేతలు ఒక్కోక్కరు, కాదు కాదు... ఒకరిని మించి మరోకరు ఈ జాబితాలో ముందంజలోనే ఉన్నారు. ప్రజా ప్రతినిధుల తర్వాత ఇక ఇప్పుడు అధికార గణం వంతు వచ్చినట్లుంది. పీఎల్ డీ లో విధులు నిర్వహిస్తున్న ఓ ఇన్ స్పెక్టర్ తమను లైంగికంగా వేధిస్తున్నాడంటూ ఏకంగా 25 మంది మహిళా కానిస్టేబుళ్లు ఫిర్యాదు చేయటంతో ఒక్కసారిగా కలకలమే రేగింది.

నాలుగు నెలల క్రితం అతగాడి వెకిలి చేష్టల గురించి ఓ మహిళా కానిస్టేబుల్ డీసీపీ కి ఫిర్యాదు చేసింది. కానీ, ఎలాంటి ప్రయోజనం లేకపోయింది. దీంతో ఈసారి ఏకంగా కమిషనర్ నే కలిసి తన బాధను విన్నవించుకుంది. ఇక ఇక్కడి నుంచి మొదలైంది అసలు కథ. ఆపై ఒకరి తర్వాత ఒకరు ఏకంగా 24 మంది ఆ కామ ఖాకీపై కమిషనర్ కు కంప్లయింట్ ల వరద తాకింది.

డ్యూటీలో తమపై ఎక్కడ పడితే అక్కడ చేయి వేయ్యటమే కాదు, అసభ్యకరంగా ప్రవర్తించేవాడంట. అంతేకాదు తనకు లొంగిపోవాలని ఒత్తిడి తెచ్చేవాడని, ఒకవేళ ఎవరైనా ఎదురుతిరిగితే కెరీర్ నాశనం చేస్తానని బెదిరించేవాడని వారంతా ఫిర్యాదుల్లో పేర్కొన్నారు. దీనిపై షాక్ తిన్న కమిషనర్ వెంటనే విజిలెన్స్ కమిషన్ ను విచారణకు ఆదేశించాడు. నేరం రుజువైతే అతనిపై కఠిన చర్యలు తప్పని సమాచారం. ఇన్నాళ్లూ ఆఫీసుల్లో పనిచేసే మహిళలకే అనుకుంటే ఇప్పుడు ఏకంగా ఇందుకు ఆడ పోలీసులు కూడా మినహాయింపుకాదని ఈ ఘటన నిరూపించింది.