బోల్ట్ సక్సెస్ సీక్రెట్ చెప్పి తిట్లు తిన్న బీజేపీ ఎంపీ

Posted: 08/29/2016 12:42 PM IST

Bjp mp udit raj trolled at twitter on usain bolt beef comments

ప్రజా ప్రతినిధుల్లో అధికారంలో లేని వారి కంటే అధికారం ఉన్న వారు, ముఖ్యంగా కీలక పదవుల్లోని వారికి వివాదస్పద వ్యాఖ్యలు చేయడం పరిపాటిగా మారింది. మరీ ముఖ్యంగా కేంద్రంలోని బీజేపీ నేతల తీరు చూస్తుంటే ఓ సామెత గుర్తోస్తోంది. ఎలుక తోలు తెచ్చి ఏడాది ఉతికినా.. నలుపు నలుపే కాని తెలుపు రాదు అన్న చందాన తయారు అవుతున్నారు. నోరు అదుపులో పెట్టుకుని మాట్లాడాలని స్వయానా ప్రధాని మోదీ చెప్పినా సరే అస్సలు వినటం లేదు.

తాజాగా బీజేపీ ఎంపీ ఉదిత్ రాజ్ చేసిన వ్యాఖ్యలు తీవ్ర విమర్శలకు దారి తీస్తున్నాయి. పరుగుల రారాజు ఉస్సేన్ బోల్ట్, చిన్నప్పటి నుంచి గొడ్డుమాంసం తినటం మూలంగానే అన్ని పతకాలు విజయాలు సాధించగలిగాడని ఆయన చేసిన వ్యాఖ్యలపై మండిపడుతున్నారు. అతని శిక్షకుడు సైతం రెండుపూటలా బీఫ్ తినమని సలహాలు ఇచ్చేవాడని, ఆ అలవాటే అతను 9 ఒలింపిక్ స్వర్ణ పతకాలు సాధించేందుకు కారణమని ఉదిత్ రాజ్ ట్విట్టర్ లో పేర్కొన్నాడు. ఈ జమైకా లెజెండ్ విజయాల వెనకున్న అసలు సీక్రెట్ ఇదేనంటూ తెలిపాడు.

Usain bolt of Jamaica was poor and trainer advised him to eat beef both the times and he scored 9 gold medals in Olympic

— Dr. Udit Raj, MP (@Dr_Uditraj) August 28, 2016

ఇక గొడ్డుమాంసం తింటేనే పతకాలు వస్తాయన్న కోణంలో 55 ఏళ్ల ఉదిత్ చేసిన వ్యాఖ్యలపై తీవ్ర దుమారమే రేగింది. దీనిపై వివరణ అంటూ ఆయన మరో ట్వీట్ వేశాడు. జమైకా బాగా వెనుకబడిన దేశం. పేదరికంతోనే అతను బీఫ్ తిని విజయాలు సాధించాడు. నేను చెప్పేది ఏంటంటే... పేదరికాన్ని కూడా లెక్క చేయకుండా అతను సాధించిన విజయాలనే స్పూర్తిగా తీసుకోవాలని చెప్పాను. నా వ్యాఖ్యలను వక్రీకరించకండి అంటూ మరో ట్వీట్ వేశాడు.

I cited circumstances ofJamaica that despite poor infrastructure & poverty Bolt won 9 gold so our players should find ways like that to win

— Dr. Udit Raj, MP (@Dr_Uditraj) August 29, 2016

బాధ్యతగల నేత, పైగా దళితుడు అయి ఉండి కూడా ఇలా దిగజారుడు వ్యాఖ్యలు చేస్తుండడంతో ప్రజాస్వామ్య దేశం అపహాస్యం పాలవటానికి కారణమవుతున్నాయిని, ముఖ్యంగా మత సంబంధమైన అంశాల్లో ఇలా ఇష్టం వచ్చినట్లు మాట్లాడుతుండటం సిగ్గు చేటని పలువురు అభిప్రాయపడుతున్నారు.