ITEMVIDEOS:లైవ్ లో సింహం చిన్నారిని మింగేయాలనుకుంది

Posted: 08/11/2016 09:40 AM IST

సింహాలు దాడి చేసి మనుషులను చంపేసిన ఘటనలు చాలానే చూసినప్పటికీ ఇక్కడ ఓ లైవ్ షోలోనే అలాంటి ఘటన జరగబోయింది. మూడేళ్ల వయస్సున్న ఓ చిన్నారిని మృగరాజు మింగేయాలనుకున్న వీడియో ప్రస్తుతం హల్ చల్ చేస్తోంది.

మెక్సికోలో ఓ టీవీ చానెల్ కు చెందిన కాన్ సెలో దే ముజేర్ అనే కార్యక్రమం జరిగింది ఈ కార్యక్రమంలో ఓ చంటి బిడ్డతో తల్లి హాజరుకాగా, పక్కనే సింహం దాని సంరక్షకుడు కూర్చుని ఉన్నారు. టీవీ ప్రజెంటర్ వారితో మాట్లాడుతు ఉండగా సడన్ పాప ఉన్నట్లుండి ఏడవటం ప్రారంభించింది. ఆ చిన్నారిని తదేకంగా చూస్తూ ఉన్న ఆ మృగరాజు ఒక్కసారిగా కాలు అందుకుంది.

అయితే అక్కడే ఉన్న ట్రెయినర్ అప్రమత్తంగా ఉండి దానిని వెనక్కిలాగాడు. అయినా ప్యాంట్ పట్టుకుని కాసేపు వదల్లేదు. ఆ దెబ్బకు భయంతో పాప విలవిలా ఏడ్చింది. సింహాన్ని పక్కకు తీసుకెళ్లగానే ముందు వణికి పోయిన ఆ తల్లి ఆ తర్వాత చిరునవ్వులు చిందించింది. అప్పటిదాకా సరదాగా సాగిన ఆ షో సింహం దెబ్బకి ఒక్కసారిగా భయంకరంగా మారినప్పటికీ పాప ఏ మాత్రం హాని జరగకుండా క్షేమంగా ఉండటంతో అంతా ఊపిరి పీల్చుకున్నారు. ఇదంతా 2007లో జరిగినప్పటికీ ప్రస్తుతం సోషల్ మీడియాలో ఆ వీడియోలో వైరల్ అవుతోంది.