పోకెమాన్ అడుతూ కటకటాల్లోకి...

Posted: 08/03/2016 08:54 AM IST

Arizona couple abandons toddler to play pokemon go

వర్ఛువల్ రియాలిటీ గేమ్ పొకిమాన్ గొ ప్రజలను ప్రమాదాల బారిన పడేస్తున్న ఘటనలు మనం తరుచూ చూస్తూనే వున్నాం. ఈ గేమ్ అడుతూ కొందరు రోడ్డు ప్రమాదాలకు గురైతే, ఓ వ్యక్తి ఏకంగా దేశ సరిహద్దును దాటేశాడు. అయితే ఇన్నాళ్లు అడేవారికే ప్రమాదం అనుకుంటే తాజాగా అడేవారితో పాటు వారిపై అధారపడిన వారిని కూడా ఇబ్బందులకు గురిచేస్తుందని తాజాగా జరిగిన ఘటన రుజువు చేస్తుంది. ఓ జంట రెండేళ్ల కొడుకును ఇంట్లో వదిలిపెట్టి మొబైల్ ఫోన్లో ఈ గేమ్ ఆడుకుంటూ వెళ్లి ఆ చిన్నారిని మరిచిపోయారు. పోలీసులు వచ్చి బాలుడ్ని రక్షించి, నిర్లక్ష్యంగా వ్యవహరించిన తల్లిదండ్రులను అరెస్ట్ చేశారు.

వివరాల్లోకి వెళ్తే.. అమెరికాలోని ఆరిజోనాలో ఈ ఘటన జరిగింది. అరిజోనాలోని సాన్ టాన్ వ్యాలీకి చెందిన యువజంట బ్రెంట్ (27), బ్రియన్నె డాలీ (25) అనే దంపతులు కొడుకును ఇంట్లో ఒంటరిగా వదిలిపెట్టి పొకిమాన్ గొ గేమ్ ఆడుతూ, వీధుల వెంటతిరుగుతూ 90 నిమిషాలు వెళ్లిపోయారు. ఇంట్లో పెద్దవారు ఎవరూ లేరు. పాపం ఒంటరిగా ఉన్న ఆ చిన్నారికి నీళ్లు కూడా అందుబాటులో లేవు. ఇంటి బయట ఏడుస్తున్న చిన్నారిని చుట్టుపక్కలవారు గమనించి పోలీసులకు ఫిర్యాదు చేశారు. పోలీసులు వెంటనే అక్కడికి చేరుకుని విచారించారు. తొలుత ఇంధనం కోసం కారులో వెళ్లామన్న బ్రెంట్ జోడీ.. తర్వాత అసలు విషయం ఒప్పుకున్నారు. అయితే వారిని ముందుగా అరెస్టు చేసిన పోలీసులు ఇకపై ఇలాంటి గేమ్లు ఆడేముందు వ్యక్తిగత భద్రత గురించి ఆలోచించాలని హెచ్చరించిన పోలీసులు వారిని వదిలిపెట్టారు.