ITEMVIDEOS: నగ్నడాన్స్ చేయని యువతిని ఏం చేశారో చూడండి

Posted: 06/23/2016 03:48 PM IST

Dalit student forced to naked dance and pour toilet cleaner

కొత్తగా విద్యా సంవత్సరం ప్రారంభం కావటంతో కర్ణాటకలో ర్యాగింగ్ భూతం మరోసారి పడగ విప్పింది. పొరుగు రాష్ట్రంలోని ఎక్కడో ఓ మారుమూల పల్లె నుంచి వచ్చిన యువతికి ర్యాగింగ్ పేరిట అవమానం జరగటంతోపాటు ప్రాణాల మీదకు వచ్చింది. బట్టలన్నీ విప్పి తమ ముందు నగ్నంగా డాన్స్ చేయాలని సీనియర్లు ఆదేశించారు. ఒప్పుకోకపోవటంతో ఆ దళిత యువతిపై దాష్టీకానికి పాల్పడ్డారు.

కర్ణాటకలో చోటుచేసుకున్న ఈ ఘటన వివరాళ్లోకి వెళ్లితే... కేరళకు చెందిన ఓ బీద కుటుంబానికి చెందిన బాధితురాలు(19) నర్సింగ్ కోసం కర్ణాటకలోని కలబుర్గి కాలేజీలో చేరింది. కాలేజీకి వెళ్తున్న ఆమెపై సీనియర్లు దారుణానికి పాల్పడ్డారు. నగ్నంగా నృత్యం చేయాలని ఆదేశించగా, ఆమె దానికి నిరాకరించింది. దీంతో తీవ్రంగా కొట్టి, బాత్ రూం కడిగే క్లీనర్ ఫినాయిల్ ను ఆమె గొంతులో పోశారు. ఆ సన్నివేశాలను తమ ఫోన్ లో చిత్రీకరించి అందరికీ షేర్ చేశారు.

ఆమె పరిస్థితి విషమించడంతో తోటి విద్యార్థినిలు ఆమెను ఆస్పత్రిలో చేర్చించారు. అయితే కాలేజీ పరువుపొతుందన్న యాజమాన్యం ఆమెను ఆస్పత్రి నుంచి గెంటివేసేలా చేసింది. అంతేకాదు ఆత్మహత్యాయత్నం అంటూ దానికి రంగు పులుమింది. స్నేహితుల సాయంతో ఎలాగోలా కేరళ చేరుకున్న యువతి కోజికోడ్ లోని ఓ ఆస్పత్రిలో చికిత్సపొందుతుంది. ప్రస్తుతం ఆమె పరిస్థితి విషమంగా ఉన్నట్లు సమాచారం. టాయ్ లెట్ క్లీనర్ తో ఆమె పేగులన్నీ పాడయిపోయినట్లు, ఆపరేషన్ చేయాలని వైద్యులు చెబుతున్నారు. కేసు నమోదు చేసుకున్న పోలీసులు 5 విద్యార్థినులను ఇప్పటికే అదుపులోకి తీసుకున్నారు.

భాస్కర్