ఒళ్లు మండిన ఒంటె ఓనర్ను చంపింది

Posted: 05/24/2016 10:16 AM IST

మీరు చదువుతున్నది అక్షరాల నిజం. ఓ ఒళ్లు మండిన ఒంటె తన ఓనర్ నే చంపేసింది. తనను చూసుకుంటున్న ఓనర్ మీద కోపంతో మెడను కట్టిగా కొరికి నేలకు బలంగా కొట్టింది. ఎక్కడపడితే అక్కడ కొరికేసింది. ఒంటెను అదుపుచెయ్యడానికి దాదాపు 25 మంది ఆరు గంటల పాటు కష్టపడ్డారు. కానీ అంతలోనే తీవ్ర గాయాలపాలైన ఓనర్ కన్ను మూశాడు. ఇదంతా మన రాజస్థాన్ లోని జైసల్మీర్ ఏరియాలో జరిగింది. రాజస్థాన్ లో ఒంటె కు ఎంతో ప్రాధాన్యత ఉంది. అక్కడి వారు అంత ఇంపార్టెన్స్ ఇచ్చే ఒంటె ఏకంగా ఓనర్ ప్రాణాలు ఎందుకు తీసిందో తెలుసా..?

అసలే జైసల్మీర్ ఏరియా.. అందునా ఒళ్లు కాలిపోయే ఎండ. అలాంటి ఎండలో ఉదయం నుండి సాయంత్రం వరకు కట్టి ఉంచిన ఓనర్ మీద కోపంతో ఈ పని చేసింది. నిజానికి ఓనర్ ఇంటికి చుట్టాలు వస్తే వారితో మాట్లాడటానికి అని, ఒంటెనున బయట కట్టేసి లోపలికి వెళ్లాడు. మాటల్లోపడి ఒంటె సంగతి మరిచిపోయాడు. సాయంత్రానికి దాని విషయం గుర్తుకు వచ్చి గాబరగాబరాగా అక్కడికి వెళ్లితే అప్పటికే ఒళ్లు మండిన ఒంటె ఓనర్ ప్రాణాలు తీసింది.