గౌతమీపుత్రలో ఆ బాలీవుడ్ యాక్టర్

Posted: 05/02/2016 03:42 PM IST

నందమూరి నటసింహం బాలకృష్ణ నటిస్తున్న వందో సినిమా గౌతమీపుత్ర శాతకర్ణి ఎంతో ప్రతిష్టాత్మకంగా నిర్మిస్తున్నారు. క్రిష్ డైరెక్షన్ లో వస్తున్న ఈ సినిమా మీద టాలీవుడ్ లో భారీ అంచనాలున్నాయి. ఈ మధ్యన ఫ్యాన్ మేడ్ టీజరే ఇంటర్నెట్ లో దుమ్మురేపింది. కాగా ఈ చారిత్రాత్మక సినిమాలో ఎవరెవరు నటిస్తున్నారు అన్న దాని మీద ప్రస్తుతానికి ఫుల్ క్లారిటీ అయితే రాలేదు. కానీ హేమామాలిని బాలయ్యకు తల్లిగా నటిస్తున్నట్లు తెలిసింది. కాగా తాజాగా మరో బాలీవుడ్ యాక్టర్ ను ఈ సినిమా కోసం సెలెక్ట్ చేసినట్లు తెలుస్తోంది. మరి ఆయన ఎవరో అనుకుంటున్నారా..?

ఎంతో భారీగా నిర్మిస్తున్న బాలయ్య బాబు వందో సినిమా గౌతమీపుత్ర శాతకర్ణిలో మరో బాలీవుడ్ యాక్టర్ ను తీసుకున్నట్లు తెలుస్తోంది. కబీర్ బేడీతో ఈ సినిమాలో ఓ కీలక పాత్రను వేయిస్తున్నట్లు తెలిసింది. బాలీవుడ్ స్టార్లను కూడా ఈ సినిమాలో తీసుకోవడం ద్వారా గౌతమీపుత్ర శాతకర్ణి సినిమాను హిందీలో కూడా రిలీజ్ చేస్తున్నారా అని కొంత మంది భావిస్తున్నారు. కాగా ఈ సినిమాలో కీలక పాత్ర అంటే బాలయ్యకు తండ్రిగా లేదంటే విలన్ గా కబీర్ బేడీ నటిస్తున్నారా అనే ప్రశ్నలు తలెత్తుతున్నాయి. మరి దీని మీద క్లారిటీ రావాలంటే మరికొన్ని రోజులు కావాల్సిందే.