ITEMVIDEOS: శక్తిమాన్ హతః.. కృతిమ కాలు వేసినా కుంగిపోయింది

Posted: 04/20/2016 08:33 PM IST

Injured police horse shaktimaan dies in dehradun

ఉత్తరాఖండ్‌లో బిజెపి చేపట్టిన ఆందోళనను అణిచివేయడంలో ప్రభుత్వ అదేశాలను పాటించి,, తనపే ఓ పోలీసును ఎక్కించుకుని విధులు నిర్వహిస్తున్న అశ్వం శక్తిమాన్ పై బీజేపి ఎమ్మెల్యే దాడి చేయడంతో కాళ్లు విరగిపోయి చికిత్స పొందుతూ ఇవాళ తుదిశ్వాస విడిచింది. అశ్వం కోలుకోవాలని అనేక మంది చేసిన ప్రార్థనలు కూడా ఫలించలేదు. కాగా వైద్యులు శక్తిమాన్ కు కృతిమ కాలును అమర్చారు, కొన్నాళ్లకు అ కాలుపై లేచి నిలబడినా.. అశ్వం మానసికంగా కుంగిపోయింది, దీంతో గత కొన్నాళ్లుగా చికిత్స పోందుతున్న అశ్వం ఇవాళ అసువులు బాసింది.

మార్చ్ 14వ తేదిన ఉత్తరాఖండ్ ప్రభుత్వానికి వ్యతిరేకంగా బిజెపి నిర్వహించిన ఆందోళన కార్యక్రమం ఉద్రిక్తత చోటు చేసుకున్న విషయం తెలిసిందే. ఈ సందర్భంగా ఆందోళనను అరికట్టడానికి వచ్చిన పోలీసులపై బిజెపి నాయకులు దాడికి దిగారు. ఈ ఘటనలో పోలీస్ అశ్వమైన శక్తిమాన్‌పై ఆ పార్టీకి చెందిన ఎమ్మెల్యే గణేశ్ జోషి విచక్షణరహితంగా దాడి చేశాడు. ఈ దాడిలో శక్తిమాన్ కాలు విరిగిపోవడంతో వైద్యులు కాలును తొలగించారు. కాగా గత నెల రోజులుగా మృత్యువుతో పోరాడుతూ చికిత్స పొందుతున్న శక్తిమాన్ నేడు తుదిశ్వాస విడిచింది.

శక్తిమాన్ మృతి చెందడంతో దాని సంరక్షకులు, మరియు పోలీస్ సిబ్బంది కన్నీటి పర్యంతమయ్యారు. దీంతో శక్తిమాన్‌పై దాడి చేసిన బిజెపి ఎమ్మెల్యే గణేశ్ జోషిని కఠినంగా శిక్షించాల్సిందేనని. ఈ విషయంలో రాజకీయ జోక్యం జరగకూడదన్న వాదనలను కూడా బలంగా వినబడుతున్నాయి. ఎమ్మెల్యేకు న్యాయస్థానం కఠిన శిక్ష విధించాలని నెటిజన్లు, జంతు ప్రేమికులు తమ అభిప్రామాన్ని వ్యక్తం చేస్తున్నారు. కాగా శక్తిమాన్ మరణం పట్ల తాను చింతిస్తున్నట్లు చెప్పిన బీజేపి ఎమ్మెల్యే.. దాని మరణానికి మాత్రం తాను కారణం కాదంటున్నారు.

మనోహర్