ITEMVIDEOS: జలవిధానంపై కేసీఆర్ ప్రజెంటేషన్

Posted: 03/31/2016 02:02 PM IST

Telagana cm kcr power point presentation on irrigation projects

తెలంగాణ ముఖ్యమంత్రి జలవిధానంపై అదిరిపోయే పవర్ పాయింట్ ప్రజెంటేషన్ ఇస్తున్నారు. తెలంగాణ అసెంబ్లీలో మూడు స్క్రీన్ లు, మండలిలో ఒక స్ర్కీన్ ఏర్పాటు చేసి చాలా వివరంగా జలవిధానం గురించి వివరిస్తున్నారు. మహారాష్ట్ర, కర్ణాటక ప్రభుత్వాలు కృష్ణా, గోదావరి నదులపై ఎక్కడెక్కడ, ఏఏ ప్రాంతంలో ప్రాజెక్టులు కట్టారో గూగుల్ మ్యాప్ ద్వారా పాయింట్ టు పాయింట్ నిర్దేశిస్తూ అసెంబ్లీలోని భారీ స్క్రీన్లపై ప్రదర్శించారు. ఎక్కడెక్కడ ఎంత ఎత్తున లిఫ్టులు ఏర్పాటు చేసుకున్నారో, అంగుళం అంగుళం నీటిని ఎలా వినియోగించుకుంటున్నారో వివరించారు. ఇలాంటి పరిస్థితులో మన రాష్ర్టాన్ని ఎవరూ కాపాడుతారు అధ్యక్షా అంటూ ప్రతిపక్ష సభ్యులనుద్దేశించి ప్రశ్నించారు.

శాసనసభలో, శాసన మండలిలోని సభ్యులకు పెన్ డ్రైవ్ లు ఇచ్చి వాటిలో మొత్తం ప్రాజెక్టులను వివరాలను అందించారు. కేసీఆర్ ప్రాజెక్టుల గురించి వివరించిన విధానం అదిరిపోయింది. ఎక్కడ ఏ ప్రాజెక్టు ఉంది. దాని వల్ల ఎన్ని ఎకరాల భూమికి సాగునీరు అందిందో లెక్కలతోసహా చెబుతున్నారు. కేసీఆర్ హోంవర్క్ చూసి మిగిలిన సభ్యులు అవాక్కవుతున్నారు. కేసీఆర్ ఇరిగేషన్‌పై చేసిన వివరణ జల వనరుల నిపుణులను కూడా ఆకర్షించింది. ప్రాజెక్టుల రీ డిజైన్‌లు ఎందుకు అవసరమో సీఎం సభ్యులకు సవివరంగా చెప్పారు. ఎలా చేస్తే తెలంగాణకు సాగునీరు, తాగునీరు అందుతుందో ఒక సాంకేతిక నిపుణుడిగా వివరించారు. కర్ణాటక, మహరాష్ట్ర ప్రభుత్వాలు ఎక్కడ టన్నెల్స్, ఎత్తిపోతల పథకాలు చేపట్టాయో కూలంకశంగా పేర్కొన్నారు. ప్రతి ప్రాజెక్టను ల్యాప్ టాప్ లో చూపించారు.

మహారాష్ట్ర 450 ప్రాజెక్టులు: కేసీఆర్