దారుణం: ఈ కుటుంబాన్ని గ్రామం నుంచి వెలివేసినా తప్పులేదు..

Posted: 03/23/2016 05:18 PM IST

Youth rapes minor and absconds films act

పుత్రుడు పుట్టగానే పుత్రోత్సాహము కాదు పెరిగి పెద్దైన తరువాత ఆ పుత్రుడు మంచి పేరు తీసుకువస్తేనే అప్పుడే పుత్రోత్సాహము అన్న అర్ధాన్ని కూడా మార్చివేశారు ఆ కుటుంబ సభ్యులు, తమ పుత్రుడు తమ ముందే తమ కుటుంబానికి తలవంపులు తీసుకువస్తుంటే.. అంతా కలసి సహకరించారు. సభ్య సమాజం సిగ్గుతో తలదించుకునేలా ఈ కుటుంబం మొత్తం ఓ అభాగిని అత్యాచారానికి గురికావడానికి కారణమైంది. నిందితుడి సోదరి బాధితురాలిని ఇంటికి తీసుకురాగా, ఇంట్లో కుటుంబ సభ్యులు ఉండగానే దారుణానికి పాల్పడ్డాడు. ఉత్తరప్రదేశ్లోని పుర్కాజీ పట్టణంలో ఈ దారుణ ఘటన జరిగినట్టు పోలీసులు చెప్పారు.

బాధితురాలి తండ్రి చేసిన ఫిర్యాదు మేరకు.. ఇటీవల ఆమె (17)ను నదీమ్ (25) అనే యువకుడి సోదరి అఫ్సానా వారి ఇంటికి తీసుకెళ్లింది. ఆ సమయంలో ఆఫ్సానా ఇంట్లో నదీమ్, తల్లిదండ్రులు శార్వరి, ఇక్రామ్, బంధువు కమిల్ ఉన్నారు. వీరందరూ ఉండగానే నదీమ్ బాధితురాలిపై లైంగికదాడికి పాల్పడ్డాడు. ఈ దృశ్యాన్ని వీడియో తీశాడు. ఈ విషయం ఎవరికైనా చెబితే వీడియోను సోషల్ మీడియాలో పోస్ట్ చేస్తానని బెదిరించాడు.

ముజఫర్నగర్ ఎస్పీ ఆదేశాల మేరకు పోలీసులు నిందితుడు నదీమ్తో పాటు కుటుంబ సభ్యులపై కేసు నమోదు చేశారు. పరారీలో ఉన్న నదీమ్ కుటుంబ సభ్యుల కోసం పోలీసులు గాలిస్తున్నారు. ఈ ప్రాంతంలోనే జరిగిన మరో ఘటనలో జాహిద్ (30) అనే వ్యక్తి.. ఓ మహిళను ఆమె ఇంట్లోనే అత్యాచారం చేశాడు. కాగా కుటుంబ సభ్యుల సమక్షంలో అత్యాచారం చేసిన కుటుంబాన్ని వెలివేసినా తప్పులేదన్న వాదనలు కూడా వినిపిస్తున్నాయి.

మనోహర్