పేకమేడలా కూలిన పాకిస్థాన్.. అదరగొట్టిన టీమిండియా

Posted: 02/27/2016 08:15 PM IST

ఎంతో కాలంగా దాయాది దేశాల క్రికెట్ పోరు కోసం ఎదురుచూస్తున్న ప్రపంచ క్రికెట్ అభిమానులకు ఇవాళ ఆ నయనానందం, సంతోషం లేకుండా పోయాయి. భారత్, పాక్ ఇరు దేశాల మధ్య చానాళ్లకు జరుగుతున్న ట్వంటీ 20 పోరులో హోరాహోరా పోరుకు తెరలేస్తుందనుకున్న అభిమానులకు నిరాశే మిగిలింది. టాస్ గెలిచి ముందుగా బ్యాటింగ్ ఎంచుకున్న పాకిస్థాన్ పేకమేడలా కూలింది. నిర్ణీత 20 ఓవర్లను కూడా ఆగకుండానే 17.4 ఓవర్లకే చాపచుట్టేసింది.

ఆసియాకప్లో భాగంగా జరుగుతున్న ట్వంటీ 20 మ్యాచ్ లో తొలుత బ్యాటింగ్ చేసిన పాకిస్తాన్ రెండెకెల స్కోరును సాధించడానికే నానా తంటాలు పడింది. భారత్ పదునైన బౌలింగ్కు కట్టుదిట్టమైన ఫీల్డింగ్ తోడవడంతో పాక్ ఇంకా 15 బంతులుండగానే మూటగట్టేసింది. టాస్ గెలిచిన భారత్ తొలుత పాకిస్తాన్ను బ్యాటింగ్ కు ఆహ్వానించింది. ముందు పాకిస్తాన్ బ్యాటింగ్లో కట్టడి చేయాలని భావించిన ధోని అండ్ గ్యాంగ్ అందుకు తగ్గట్టునే రాణించింది. కేవలం 17.3 ఓవర్లలో 83 పరుగులకే పాక్ ను కూల్చేసింది.

పాకిస్తాన్ ఆటగాళ్లలో మహ్మద్ హఫీజ్(4), షలీల్ ఖాన్(7), ఖుర్రామ్ మంజూర్(10),షోయబ్ మాలిక్(4), ఉమర్ అక్మల్(3), ఆఫ్రిది(2), రియాజ్(4)లు తీవ్రంగా నిరాశపరిచారు. సర్ఫరాజ్ అహ్మద్(25) చేసిన పరుగులే పాక్ జట్టులో అత్యధిక స్కోరు కావడం గమనార్హం. భారత బౌలర్లలో హార్దిక్ పాండ్యా మూడు వికెట్లు తీసి పాక్ పతనాన్ని శాసించగా, రవీంద్ర జడేజాకు రెండు, నెహ్రా, బూమ్రా, యువరాజ్ సింగ్లకు తలో వికెట్ లభించింది.

మనోహర్