కొత్త సంవత్సరాది సంబరాలకు పోలీసులు అంక్షలు

Posted: 12/27/2015 04:14 PM IST

నగరంలో కొత్త సంవత్సరం వేడుకలను డిసెంబరు 31వ తేదీ రాత్రి 8గంటల నుంచి ఒంటి గంట వరకు నిర్వహించుకోవాలని సైబరాబాద్‌ కమిషనర్‌ సీవీ ఆనంద్‌ శనివారం ఒక ప్రకటనలో తెలిపారు. సైబరాబాద్‌ కమిషనరేట్‌ 25 స్టార్‌ హోటల్స్‌, 3 పబ్‌లు, 22 రిసోర్టులు, 269 ఫాంహౌస్‌లు ఉన్నాయన్నారు. వీరందరూ ఈ నిబంధనలను పాటించాలన్నారు.

*     ఆహ్వానం ఉన్న అతిథులను మాత్రమే లోపలికి అనుమతించాలి. జంటలను మాత్రమే అనుమతించాలి.
*     పోలీస్‌ కమిషనర్‌ అనుమతిలేకుండా నూతన సంవత్సర వేడుకల పోస్టర్లు, హోర్డింగ్‌లను బహిరంగ ప్రదేశాల్లో డిస్‌ప్లే చేయకూడదు. అతిక్రమిస్తే ఏపీ గేమింగ్‌ యాక్ట్‌ 1974 నమోదు చేస్తారు.
*     డీజేలకు అనుమతి లేదు. లౌడ్‌ స్పీకర్ల శబ్దం 45 డీసీబిల్స్‌కి మించరాదు. ఆర్గనైజర్స్‌ ఎస్‌హెచ్‌వో/ఏసీపీ ప్రత్యేక అనుమతితోనే డీజే వాడాలి. అశ్లీల నృత్యాలు, నటనలు, సినిమా ప్రదర్శన నిషేధం.
*     ఈవెంట్‌ ప్రచారం కోసం నగ్న చిత్రాలు, అర్ధనగ్న చిత్రాలతో పత్రికల్లో ప్రకటలు ఇవ్వడం, టీవీ ప్రకటనలు ఇవ్వడం నివేధం.
*    మద్యం సేవించిన వారిని, అనుచితంగా ప్రవర్తించేవారిని లోపలికి అనుమతించకూడదు.
*    ప్రదర్శనలు ప్రమాదకరంగా ఉండకూడదు. మారణాయుధాలతో తిరగరాదు.
*    డివిజన్‌ ఫైర్‌ ఆఫీసర్‌/రీజనల్‌ ఫైర్‌ ఆఫీసర్‌ సూచనలను పాటించాలి.
*    అతిథిలందరికి ఈ నిబంధలను ముందుగానే చెప్పాలి.
*    పోగ్రాం ప్రారంభమైనప్పటి నుంచి పూరైంత వరకు ఆహూతులతో సహా రికార్డు చేసి పోగ్రాం సిడీలను రెండు రోజులలోపు తనిఖీ కోసం సైబరాబాద్‌ కమిషరేట్‌లో సమర్పించాలి.
*    నగరంతోపాటు ఓఆర్‌ఆర్‌పై డ్రంకన్‌ డ్రైవ్‌, ఓవర్‌ స్పీడ్‌ తనిఖీలకు ప్రత్యేక పోలీసుల బృందాలుంటాయి. వాహనదారులు ట్రాఫిక్‌ నిబంధనలు పాటించాలి.
*   వేదిక లోపలి ప్రాంగణంలో వాహనాలను పార్క్‌ చేయాలి. రోడ్డు మీద పార్క్‌ చేయడానికి అనుమతించరు.
*   సాధారణ ప్రజలు 31వ తేదీ రాత్రి 11 గంటల నుంచి ఉదయం 5 గంటల వరకు ఓఆర్‌ఆర్‌పై అనుమతి లేదు. శంషాబాద్‌ ఆర్‌జీఐ ఎయిర్‌పోర్ట్‌కి వెళ్లేవారిని, వచ్చే వారిని, ఇతర ప్రముఖలను అనుమతిస్తారు.

జి. మనోహర్