వివాదాస్పద వ్యాఖ్యల ఫలితం.. మంత్రికి ఉద్వాసన

Posted: 12/25/2015 05:52 PM IST

ఉత్తర ప్రదేశ్ మంత్రి ఓంపాల్ నెహ్రాకు మంత్రివర్గం నుంచి ఉద్వాసనకు గురయ్యారు. ఉత్తర్ ప్రధేశ్ ముఖ్యమంత్రి అఖిలేష్ యాదవ్ ఈ మేరకు నిర్ణయం తీసుకున్నారు.. ముస్లింపై వివాదాస్పద వ్యాఖ్యలు చేసిన ఆయనను మంత్రివర్గం నుంచి తొలగిస్తున్నట్లుఅఖిలేష్‌యాదవ్ శుక్రవారం ఆదేశాలు జారీ చేశారు. ముస్లింలు ...హిందూ దేవాలయాల నిర్మాణానికి సహకరించాలని ఓంపాల్ నెహ్రా గత రాత్రి బిజ్నోర్లో జరిగిన ఓ కార్యక్రమంలో ఈ వ్యాఖ్యలు చేసిన విషయం తెలిసిందే.

అలాగే అయోధ్యలో రామమందిర నిర్మాణం జరిగితే ముస్లింలు అందుకు సహకరించాలని, కరసేవలో స్వచ్ఛందంగా పాల్గొనాలని ఆయన సూచించారు. అలాగే మథురలో కృష్ణ దేవాలయ నిర్మాణానికి మద్దతు ఇవ్వాలని ఓంపాల్ నెహ్రా పేర్కొన్నారు. మంత్రి వ్యాఖ్యలపై పెద్ద ఎత్తున దుమారం రేగడంతో సీఎం అఖిలేష్ ...ఆయనను కేబినెట్ నుంచి తప్పించారు. అయితే హిందువులకు వ్యతిరేకంగా, ముస్లింలకు అండగా నిలుస్తూ వివాదాస్పద వ్యాఖ్యలు చేస్తున్న పలువురు సీనియర్ మంత్రులను వెనకేసుకోస్తున్న అఖిలేష్ ప్రభుత్వం.. నెహ్రాపై ఉన్నఫలంగా చర్యలు తీసుకోవడమేంటన్న విమర్శలు కూడా వినిపిస్తున్నాయి.

జి. మనోహర్