దావూద్, షకీల్ కూడా లొంగిపోతారట..!

Posted: 11/07/2015 10:08 AM IST

ముంబై మాఫియా డాన్ దావూద్ ఇబ్రహీం, చోటా షకీల్ కూడా లొంగిపోవడానికి సిద్దంగా ఉన్నారట. అయితే వారు కొన్ని నిబంధనలు పెట్టినట్లు సమాచారం. మొన్న బాలీలో ఛోటా రాజన్ అరెస్టు తర్వాత దేశంలో సంచలనం రేపింది. అయితే సిబిఐ అధికారులు ఛోటా రాజన్ ను దిల్లీకి తరలించారు. కాగా ఛోటా రాజన్ ను ఏ జైలుకు పంపించాలి అన్న దాని మీద సందిగ్దత నెలకొంది. అయితే దేశంలోని దాదాపు అన్ని జైల్లలో దావూద్ ఇబ్రహీం అనుచరులు ఉండటంతో.. అతడి ప్రాణానికి ముప్పు ఉందని భ్రదతాధికారులు అనుమానించారు. దాంతో ఛోటా రాజన్ ను హౌజ్ అరెస్టు చెయ్యడానికి అధికారులు నిర్ణయం తీసుకున్నారు. అయితే తనకు కూడా అదే ఫెసిలిటి కావాలని దావూద్ అంటున్నారట.

ముంబై మాఫియాకు మకుటం లేని రారాజుగా మారిన దావూద్ ఇబ్రహీంను పట్టుకోవడానికి ముంబై పోలీసులు ఎంతో కాలంగా ఎదురుచూస్తున్నారు. క్రైం సిటీగా మార్చిన దావూద్ గతంలొ లొంగపోతనని వచ్చినా కానీ నాటి ముఖ్యమంత్రి షరత్ పవార్ కండీషన్స్ కు ఒప్పుకోలేదని తెలుస్తోంది. రాంజెఠ్మలానీ దావూద్ ఇబ్రహీం లొంగిపోతాడని.. కానీ జైల్ లో పెట్టకుండా ఉంటాను అంటే మాత్రమే అని కండీషన్ పెట్టాడట. కానీ శరత్ పవార్ మాత్రం చట్టం అందరికీ చట్టమే కాబట్టి జైల్ కు వెళ్లకతప్పదు అని వెల్లడించారట. అయితే తాజాగా ఛోటా రాజన్ అరెస్ట్ తర్వాత మరోసారి దావూద్ ఇబ్రహీం అరెస్ట్ వ్యవహారం మీద చర్చ సాగుతోంది. దావూద్ ఇబ్రహీం, ఛోటా షకీల్ కూడా జైల్ లో కాకుండా హౌజ్ అరెస్ట్ అవకాశం కల్పిస్తే లొంగిపోవడానికి సిద్దంగా ఉన్నట్లు వార్త వస్తోంది.

*అభినవచారి*