మంత్రులు అటుఇటుకాని వారు: రేవంత్

Posted: 11/07/2015 08:45 AM IST

తెలుగుదేశం పార్టీ తెలంగాణ ఫైర్ బ్రాండ్ రేవంత్ రెడ్డి మరోసారి వివాదాస్పద వ్యాఖ్యలు చేశారు. తెలంగాణ సిఎం కేసీఆర్ మీద ఫైర్ అయ్యే రేవంత్ రెడ్డి ఈసారి తెలంగాణ మంత్రులను టార్గెట్ గా చేశారు. తెలంగాణ మంత్రులు మగాళ్లలా కనిపిస్తున్నారా..? అంటూ తన కూతురు కవితతొ కేసీఆర్ అన్నట్లు.. వారంతా అటు ఇటుకాని మంత్రులు అని వ్యాఖ్యానించారు. తమ ప్రభుత్వ హయాంలో మహిళలకు మంత్రి పదవులిచ్చామని గుర్తు చేస్తూ.. ఇప్పుడు 18 మంది ఎమ్మెల్యేలున్నా కేసీఆర్ క్యాబినెట్‌లో ఒక్క మహిళకూ మంత్రి పదవి ఇవ్వలేదని విమర్శించారు. ‘ఎంపీ కవిత వెళ్లి తండ్రితో ఆడవాళ్లకు మంత్రి పదవి ఎందుకివ్వలేదని అడిగితే .. ఇప్పుడున్న మంత్రులు మగాళ్లలా కనిపిస్తున్నారా అని కేసీఆర్ ఆమెతో అన్నారట.. వారంతా అటు ఇటుగాని మంత్రులు ’ అంటూ రేవంత్‌రెడ్డి దుయ్యబట్టారు.

తెలంగాణ ప్రభుత్వం అధికారంలోకి వచ్చాక ఎంతో తేడా వచ్చిందని.. రేవంత్ రెడ్డి విమర్శించారు. అంతెందుకు టీఆర్‌ఎస్ ఎమ్మెల్యే చెబితే జీహెచ్‌ఎంసీ అటెండర్ కూడా మాటవినే పరిస్థితిలేదని విమర్శించారు. అటెండర్ తో పని చేయించుకునేందుకు ఎమ్మెల్యే మహిపాల్‌రెడ్డి మంత్రికి చెప్పాల్సిన పరిస్థితి ఉందని, ఎందుకీ బానిస బతుకులు అని రేవంత్‌రెడ్డి మండిపడ్డారు. రాష్ట్రంలో జరుగుతున్న రైతు ఆత్మహత్యలను నివారించడంలో రాష్ట్ర ప్రభుత్వం ఘోరంగా విఫలమైందని రేవంత్‌రెడ్డి విమర్శించారు. కరువు సహాయక చర్యలు చేపట్టడంలోనూ ప్రభుత్వం చొరవ తీసుకోవడం లేదని మండిపడ్డారు.