ITEMVIDEOS: అమెరికా రికార్డును బద్దలు కోట్టి.. తన పేరున రాసుకుంది..

Posted: 11/02/2015 08:34 PM IST

నడక మంచిదే.. శారీరక వ్యాయామంలో తోడ్పడుతుంది. అయితే అది మానవమాత్రులకు మాత్రమే కానీ రోబో (మరమనుషులకు) ఏమిటీ అవసరం అంటారేమో.. కానీ ఆ అవసరం రికార్డులను సోంతం చేసుకోవడానికే అంటే విశ్వసించగలారా..? అది కూడా ఎంతలా అంటే.. కేవలం 50 గంటల్లో ఏకంగా 134 కిలోమీటర్లు నడిచిన ఓ చైనా రోబో గిన్నిస్ బుక్‌ ఆఫ్ వరల్డ్ రికార్డ్స్‌లో చోటు సంపాదించింది. గతంలో అమెరికా రోబో 30 గంటల్లో 65 కిలోమీటర్లు నడిచి గిన్నిస్‌లో చోటు సాధించగా.. ఆ రికార్డును చైనా రోబో బద్దలు కోట్టింది.

చైనాలోని చాంగ్‌క్వింగ్‌ యూనివర్సిటీ ఆఫ్ పోస్ట్స్ అండ్ టెలికమ్యూనికేషన్స్‌కు చెందిన పరిశోధకులు జంతువును పోలినవిధంగా నాలుగు కాళ్ల రోబోను తయారు చేశారు. దీనికి 'జింగ్‌ఝె నెంబర్ 1' అని పేరు పెట్టారు. ఈ రోబో గత నెల 24న సర్కిల్ ఇండోర్ ట్రాక్‌లో 134.03 కిలోమీటర్ల దూరాన్ని 54 గంటల సమయంలో  నడించింది. గంటకు 0.8 కిలోమీటర్ల వేగంతో ఈ దూరాన్ని అధిగమించిందని చైనా ప్రభుత్వ న్యూస్ ఏజెన్సీ జిన్హుహా తెలిపింది. తద్వారా అమెరికాలోని కార్నెల్ యూనివర్సిటీ పరిశోధకులు రూపొందించిన 'రెంజర్' రోబో కన్నా రెండురెట్లు అధిక దూరాన్ని నడిచి.. 'జింగ్‌ఝె నెం.1' ఈ రికార్డు సాధించింది. ఈ రోబోను తయారీని ఏడాదిలోగా పూర్తిచేశామని చైనా పరిశోధకుడు ప్రొఫెసర్ లీ క్వింగ్‌డు తెలిపారు.

జి. మనోహర్