ఏపి రాజధాని అమరావతి శంకుస్థాపనకు తెలంగాణ సిఎం కేసీఆర్ ను చంద్రబాబు నాయుడు ఇంటికి వెళ్లి సాదరంగా ఆహ్వానించారు. అమరావతి శంకుస్థాపన కార్యక్రమానికి ఖచ్చితంగా రావాలని కేసీఆర్ ను చంద్రబాబు మరీమరీ కోరారని.. అందుకు కేసీఆర్ కూడా ఓకే అన్నారని.. వస్తాను అన్నా అని మాటిచ్చారని తెలిసింది. కాగా దసరా నాడు జరిగే ఈ కార్యక్రమానికి కేసీఆర్ పర్యటన షెడ్యూల్ ఖరారైంది. శంకుస్థాపన కోసం కేసీఆర్ సూర్యాపేట నుంచి హెలికాప్టర్ లో రాజధాని ప్రాంతానికి వెళ్లనున్నారు. అంతే కాదు ఈ పర్యటనలోనే కేసీఆర్ విజయవాడ కనకదుర్గమ్మ అమ్మవారి మొక్కు కూడా చెల్లించనున్నట్టు ఆ పార్టీ వర్గాలు చెబుతున్నాయి.
అమరావతి శంకుస్థాపన వేడుకకు హాజరయ్యేందుకు తెలంగాణ సీఎం కేసీఆర్ ఏర్పాట్లు చేసుకుంటున్నారు. శంకుస్థాపనకు ఒక రోజు ముందే అంటే రేపు హైదరాబాద్ నుంచి సూర్యాపేటకు రోడ్డు మార్గంలో వెళ్లనున్నారు. అక్కడి నుంచి హెలికాఫ్టర్ లో గన్నవరం విమానాశ్రయానికి రావాలంటూ ఏపీ అధికారులు సూచించారు. మొదట్లో రోడ్డు మార్గంలోనే వెళ్లాలని కేసీఆర్ భావించినప్పటికి...రోడ్డు మార్గంలో విజయవాడకు ప్రయాణించడం సేఫ్ కాదని పోలీసులు సూచించారు. దీంతో సూర్యాపేట నుంచి హెలికాప్టర్ లో గన్నవరం విమానాశ్రయానికి వెళ్లనున్నారు. అక్కడి నుంచి రాజధాని శంకుస్థాపన ప్రాంతానికి ప్రత్యేక హెలికాఫ్టర్ లో కేసీఆర్ ను తీసుకెళతామని ఏపీ అధికారులు ఇప్పటికే తెలంగాణ సీఎంఓకు సమాచారం అందించారు.
తెలంగాణ ముఖ్యమంత్రి కేసీఆర్ అమరావతి శంకుస్థాపన కార్యక్రమాన్ని చూసుకోవడంతోపాటు మరోపనిని కూడా పూర్తి చెయ్యనున్నారు. తెలంగాణ సీఎం కేసీఆర్ ఈసారి విజయవాడ కనకదుర్గ అమ్మవారికి ముక్కు పుడక ఇచ్చే మొక్కు తీర్చుకోనున్నారు. తెలంగాణ రాష్ట్రం సిద్దిస్తే అమ్మవారికి ముక్కుపుడక సమర్పిస్తానని కేసీఆర్ అప్పట్లో మొక్కు కున్నారు. సుమారు పది నుంచి 15గ్రాముల బరువైన బంగారు ముక్కుపుడకను ఈ సందర్భంగా కేసీఆర్ అమ్మవారికి సమర్పించనున్నారు. కేసీఆర్ శంకుస్థాపనకు రానుండటంతో కేసీఆర్ తో పాటు ఆయన వెంట వచ్చే మంత్రులు, ఇతర ఉన్నతాధికారుల కోసం ఏపీ అధికారులు ప్రత్యేక ఏర్పాట్లు చేయనున్నారు. ఉద్దండరాయునిపాలెం వచ్చేందుకు తెలంగాణ అధికారులకు రూప్ మ్యాప్ లు అందజేయనున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more