షీనా కేసులో ఇంద్రాణి వివరణతో సీబీఐ పరుగులు

Posted: 10/19/2015 02:45 PM IST

Cbi investigation on sheena bora brother mikhail bora house indrani mukherjea statement

దేశవ్యాప్తంగా సంచలనం సృష్టించిన షీనాబోరా కేసులో భాగంగా ప్రస్తుతం సీబీఐ పరుగులు పెడుతోంది. ఈ కేసులో ప్రధాన నిందితురాలు, షీనా తల్లి అయిన ఇంద్రాణి ముఖర్జియా ఇటీవల ఇచ్చిన వివరణ మేరకు వారు తమ దర్యాప్తును మరింత వేగవంతం చేసినట్లు తెలుస్తోంది. ఇంతకు ఆమె ఏం చెప్పింది? అని అనుకుంటున్నారా..? ఆ వివరాలు తెలియాలంటే మేటర్ లోకి వెళ్లాల్సిందే!

ఈ కేసులో భాగంగా ముందునుంచి ఇంద్రాణి ముఖర్జియా రకరకాల స్టేట్ మెంట్లు ఇస్తూ వచ్చింది. ఆమధ్య ఇంద్రాణి బత్రికేవుందని బాంబ్ పేల్చడంతోపాటు అసలు ఆమె తన కూతురేకాదంటూ పేర్కొంది. దాంతో పోలీసులు ఈమె డీఎన్ఏతో షీనా డీఎన్ఏతో పోల్చగా ఆమె తల్లే అని తేలిపోయింది. తదనంతరం ఈ కేసు నుంచి తప్పించుకుని బెయిల్ పొందేందుకు అనారోగ్యబారిన పడింది. అయితే.. పోలీసుల ముందు ఆమె పప్పులు ఉడకలేదు. ఇప్పుడు సీబీఐ చేతికి దక్కిన ఈ కేసు విచారణలో భాగంగా షీనా ఓ సంచలన వ్యాఖ్య చేసింది. తన కూతుర్ని చంపింది తాను కాదని, తన భర్త సంజీవ్ ఖన్నా, డ్రైవర్ శ్యామ్ రాయ్ ఇద్దరూ కలిసి షీనాను చంపేశారని వివరణ ఇచ్చింది. ఈ నేపథ్యంలోనే సీబీఐ కేసు విచారణను మరింత వేగవంతం చేసింది.

సోమవారం ముంబయి, కోల్ కతా, గువాహటి వంటి తొమ్మిది చోట్ల విస్తృతంగా సోదాలు నిర్వహించింది. షీనా సోదరుడు మిఖెయిల్ బోరా ఇంట్లో కూడా సోదా చేసింది. అయితే, కేసు దర్యాప్తులో భాగంగానే తన ఇంట్లో సీబీఐ సోదాలు నిర్వహించిందని, తాను దర్యాప్తు అన్ని విధాల సహకరిస్తానని చెప్పాడు. ఈ కేసులో ప్రధాన నిందితులై ఇంద్రాణి ముఖర్జియా, ఆమె మొదటి భర్త సంజీవ్ ఖన్నా, డ్రైవర్ శ్యామ్ వర్ రాయ్ తో పాటు మరికొందరు అనుమానితులకు సంబంధించిన ప్రాంతాల్లో కేసుకు సంబంధించిన మరిన్ని ఆధారాల కోసం గాలింపులు చేపట్టినట్లు సీబీఐ వర్గాలు తెలిపాయి.