షీనాబోరా కేసులో మరో ట్విస్ట్.. ఇంద్రాణి చంపలేదట!

Posted: 10/14/2015 01:08 PM IST

Sheena bora murder case indrani mukherjea cbi investigation

దేశవ్యాప్తంగా సంచలనం సృష్టించిన షీనాబోరా హత్య కేసులో రోజుకో ట్విస్ట్ వెలుగులోకి వస్తోంది. సస్పెన్స్ థ్రిల్లర్ సినిమాకు మించి ట్విస్టుల మీద ట్విస్టులతో కొనసాగుతున్న ఈ కేసులో ప్రధాన నిందితురాలైన షీనా తల్లి ఇంద్రాణి ముఖర్జియా తాజాగా సీబీఐకి కీలక వివరణ ఇచ్చినట్లు తెలిసింది. తన కూతురు షీనా బోరాను తాను చంపలేదని, తన మాజీ భర్త సంజీవ్ ఖన్నా, డ్రైవర్ శ్యామ్ వర్ రాయ్ ఇద్దరూ కలిసి ఆమెను హతమార్చారని ఇంద్రాణి సీబీఐకి చెప్పినట్లు విశ్వసనీయ సమాచారం.

సీబీఐ అధికారులకు ఇంద్రాణి ఇచ్చిన వివరాల ప్రకారం.. షీనా పెరుగుతున్న తీరును ఆమె తండ్రి ఖన్నాను కలవరపెట్టిందని, ముఖ్యంగా ఆమె తన (ఇంద్రాణి) మరో భర్త పీటర్ ముఖర్జియా కుమారుడితో సంబంధం పెట్టుకోవడం అతడికి ఏమాత్రం నచ్చలేదని ఆమె తెలిపింది. తన సొంత కూతురుపై ఆ ప్రభావం పడుతుందేమోననే భయంతోనే ఆమెను ఖన్నా హత్య చేశాడని ఆమె పేర్కొన్నట్లు తెలిసింది. తొలుత బాంద్రాలో సంజీవ్ ఖన్నాతో ఏర్పాటుచేసిన ఓ డిన్నర్ కార్యక్రమానికి తాను తన కూతురు షీనాబోరాను ఆహ్వానించినట్లు ఇంద్రాణి సీబీఐ వర్గాలు తెలిపింది. ఆ తర్వాత పథకం ప్రకారం ఆమెను సంజీవ్ ఖన్నా, డ్రైవర్ చెప్పేసి వుంటారని తెలుస్తోంది.

ఈ హత్యకు తనకు ఏ సంబంధం లేదని, సంజీవ్ ఖన్నా, డ్రైవర్ మాత్రం హత్యచేశారని వివరణ ఇచ్చింది. మరోపక్క, ఏ విధమైన విచారణకైనా తాను పూర్తి స్థాయిలో సహకరిస్తానని, వివరాలు తెలియజేస్తానని కూడా ఆమె చెప్పినట్లు సమాచారం. దీంతో.. ఆమె ఇచ్చిన వివరణ నిజమే అయివుంటుందని పోలీసులు భావిస్తున్నారు. ఆమె ఇచ్చిన వివరణ ప్రకారం సీబీఐ దర్యాప్తును వేగవంతం చేసినట్లు తెలుస్తోంది.