ఓ వాలు జెడా.. బహుమతిని అందుకోవా..!

Posted: 10/01/2015 04:04 PM IST

గ్రామీణ సంస్కృతి, సంప్రదాయాలను వీడకుండా వాటిని అలవర్చుకుని వాటు జెడలు, పోడువాటి మీసాలతో అకట్టుకునే వారి సంఖ్య క్రమంగా తగ్గిపోతున్న నేపథ్యంలో భారతీయ గ్రామీణ విలువలు, వాటి ప్రాముఖ్యలతను చాటిచెప్పందుకు నడుంబిగించింది ఓ సంస్థ. గ్రామీన ప్రజల జీవన శైలిని బెంగళూరు వంటి మెట్రో నగరాల్లో నివసిస్తున్న వారికి పరిచయం చేయడానికి వీలుగా ఈ నెల 3 నుంచి రెండు రోజుల పాటు బెంగళూరులోని ఫ్రీడమ్ పార్కులో ‘హళ్లి హబ్బ’ నిర్వహిస్తున్నట్లు విద్యారణ్య సంస్థ ప్రధాన కార్యదర్శి ఎం.సి.రమేష్ తెలిపారు.

 హళ్ళీ హబ్బ కార్యక్రమ వివరాలను మీడియాకు వివరిస్తూ.. ఈ కార్యక్రమంలో లగోరి, గోళీల ఆట వంటి గ్రామీణ క్రీడల్లో పోటీ ఉంటుందన్నారు. అంతేకాకుండా ఇందులో పాల్గొన్న వారిలో పొడవైన మీసాలు ఉన్న మగవారికి మొదటి బహుమతిగా రూ.15వేలు,  పొడవైన జడ ఉన్న మహిళలకు మొదటి బహుమతిగా రూ.15వేలుగా ఇవ్వనున్నామన్నారు. ఈ రెండు విభాగాల్లో కూడా రెండు, మూడో స్థానాల్లో నిలిచిన వారికి వరుసగా రూ.10వేలు, రూ.5 వేలు ఇవ్వనున్నట్లు  తెలిపారు. రెండు రోజుల పాటు ప్రతి రోజు ఉదయం 10 నుంచి సాయంత్రం 6 వరకు జరిగే హళ్లిహబ్బలో పాల్గొనడానికి ఎలాంటి ఎంట్రీ ఫీజు లేదని రమేష్ తెలిపారు.

జి. మనోహర్