ఆంధ్రప్రదేశ్ రాష్ట్ర నూతన రాజధాని ‘అమరావతి’ అభివృద్ధికోసం ముఖ్యమంత్రి చంద్రబాబు తనదైన శైలిలో వినూత్న విధానాలను ప్రయోగిస్తూ దూసుకెళుతున్నారు. ముఖ్యంగా.. ఇతర దేశాల నుంచి పెట్టుబడులను రాబట్టే విషయంలో తీవ్రంగా కృషి చేస్తున్నారు. నవ్యాంధ్రకు పెట్టుబడులు రాబట్టడమే లక్ష్యంగా ఆయన రెండు రోజుల క్రితం సింగపూర్ వెళ్లిన విషయం తెలిసింది. అక్కడ కాలుమోపిన దగ్గర నుంచి ఆయన వేగంగా పావులు కదుపుతున్నారు. సింగపూర్ లో విమానం దిగీదిగగానే రంగంలోకి దిగిపోయి.. అక్కడి పారిశ్రామికవేత్తలు, ప్రభుత్వ సంస్థలతో వరుస భేటీలు నిర్వహించారు.
ఈ నేపథ్యంలోనే సోమవారం సాయంత్రం ‘ఇన్ స్టిట్యూట్ ఆఫ్ సౌత్ ఏసియా స్డడీస్’ సమావేశంలో పెట్టుబడుల విషయమై ప్రసంగించిన చంద్రబాబు.. తన వినూత్న ప్రతిపాదనలతో అక్కడి పారిశ్రామికవేత్తలను ఆకట్టుకున్నారు. నవ్యాంధ్రలో పెట్టుబడులు పెట్టేందుకు అపార అవకాశాలున్నాయని ఆయన చెప్పారు. నేరుగా పెట్టుబడులు పెట్టేందుకు సంకోచిస్తే.. ముందుగా ఏపీకి వచ్చి అక్కడి పరిస్థితులను పరిశీలించాలని ఆయన పేర్కొన్నారు. పరిశీలనలో సానుకూల అంశాలు కనిపిస్తేనే పెట్టుబడులు పెట్టండని ఆయన వారిని ఆహ్వానించారు. ఏపీ రాష్ట్ర రాజధాని కోసం సింగపూర్ సహకరిస్తే.. ప్రపంచంలోకెల్లా అత్యున్నత రాజధానిని తమ ప్రభుత్వం నిర్మిస్తుందని బాబు అభిప్రాయపడ్డారు. ఈ విధంగా బాబు ప్రసంగానికి అక్కడి పారిశ్రామికవేత్తలను బాగానే ఆకర్షితులయ్యారు.
ఇక ఇటీవల దేశంలో పెట్టుబడులు పెట్టేందుకు అనువైన రాష్ట్రాల జాబితాలో ఏపీ రెండో స్థానంలో వున్నట్లు ప్రపంచబ్యాంకు తన నివేదికలో వెల్లడించిన విషయం తెలిసింది. ఆ విషయాన్ని ఆయన ప్రస్తావిస్తూ.. రాష్ట్ర విభజన తర్వాత కేవలం 16 నెలల కాలంలోనే నవ్యాంధ్రను దేశంలోనే రెండో స్థానంలో నిలిపిన వైనాన్ని వారికి వివరించారు. భవిష్యత్తులో ఏపీ భారత సిలికాన్ వ్యాలీగా రూపుదిద్దుకోనుందని కూడా చంద్రబాబు పేర్కొన్నారు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more