వామ్మో దొంగది.. కోటిన్నర డైమండ్ కోసం ప్రాణాలమీదకు తెచ్చుకుంది..

Posted: 09/16/2015 08:52 PM IST

6 carat diamond worth 278 000 recovered from woman s intestine

తమను ఏవరూ చూడటం లేదని చోరీలకు, దొంగతనాలకు పాల్పడే కేటుగాళ్లను అనేక మందిని నిఘా నేత్రాలు ఎప్పటికప్పుడు పట్టిస్తున్నా.. ఇంకా బంగారం, వజ్రాల దుకాణాల్లో మాత్రం దొంగతనాలు జరుగుతూనే వున్నాయి. అచ్చం సినిమాల్లో ప్రతినాయకుల పాత్రలతో త్వరగా అకర్షితులవుతున్న దోంగలు.. అదే తరహాలో దొంగతనాలకు పాల్పడి ప్రాణాలపైకి తెచ్చుకుంటున్నారు. ఇటీవల శంషాబాద్ విమానాశ్రయంలో కడుపులో డ్రగ్స్ పెట్టుకుని ఎంచక్కా అక్రమ రవాణా చేద్దామనుకున్న యువతి ఘటనను మరువక ముందే.. మరో మహిళ అదే తరహాలో దొంగతనానికి తెరతీసింది.

అయితే అది మన దేశంలో కాదులేండి.. కాకపోతే ప్రాణాలపైకి మాత్రం తెచ్చుకుని బతికితే చాలు దేవుడా అనుకుంటూ సర్జరీకి సహకరించింది. బ్యాంకాక్ లో పెద్ద వజ్రాలు, నగల దుకాణానికి వెళ్లిన ఓ చైనా మహిళ నగలను, వజ్రాలను బాగా చూసింది. కొందామని కాదు.... లేపేద్దామని. వాటిలో కోటీ 40 లక్షల విలువ చేసే వజ్రాన్ని ఒకదాన్ని సెలెక్ట్ చేసుకుని ఎవ్వరూ చూడకుండా గబుక్కున మింగేసింది. నిజంగానే అమెను ఎవరూ గమనించలేదు. అయితే అమె తాపీగా తప్పించుకుని దుఖానం నుంచి పాకిపోయింది కూడా.

ధాయ్ లాంగ్ నుంచి వెళ్లేందుకు అమె విమానాశ్రయంలోకి చెక్ ఇన్ అవుతుండగా, అమెను పరిశీలించిన విమానాశ్రయ సిబ్బంది అమెను అడ్డుకున్నారు. అమె కడుపులో ఏదో వస్తువుందని వారు ఉన్నతాధికారులకు చెప్పారు. దీంతో మొదట్లో తన కడుపులో ఏం లేదని బుకాయించిన మహిళ తరువాత నిజాన్ని అంగీకరించింది. ఇంకేముందు హుటాహుటిన రంగంలోకి దిగిన వైద్యులు అమెను పరీక్షించారు. ఆ వజ్రం ఎక్కడ ఉందో అని స్కానింగ్ చేసి పరిశీలించగా ప్రేగుల్లో ఇరుక్కుపోయి ఉందని తెలిసింది. వజ్రం కారణంగా చైనా మహిళ చనిపోవడం ఖాయమని కూడా వైద్యులు తెల్చేశారు. సర్జరీ జరిగిన తరువాత గానీ ఏమీ చెప్పలేమని చెప్పారు. అయితే ఆమెను బతికించడం కోసం వైద్యులు చాలా కష్టపడి ఆపరేషన్ చేశారు. మొత్తానికి మహిళ కోలుకుంది. మహిళ ఒంట్లో నుంచి ఆరు కేరెట్ల వజ్రాన్ని బయటకు తీశాడు. ఆమె కోలుకున్న తరువాత దొంగతనం చేసినందుకు ఆమెను పోలీసులు అరెస్టు చేశారు.

జి. మనోహర్