సిలిండర్ పేలి 20 మంది మృతి

Posted: 09/12/2015 10:16 AM IST

మధ్యప్రదేశ్ లోని జబువాలో  భారీ పేలుడు జరిగింది. జబువా దగ్గర ఓ హోటల్ లో వంటగ్యాస్ సిలిండర్ పేలుడు జరిగింది. . ఈ ప్రమాదంలో 20 మంది మరణించగా, 40 మందికి పైగా గాయపడ్డారు. వీరిలో కొందరి పరిస్థితి విషమంగా ఉంది. పేలుడు అనంతరం హోటల్ లో అత్యధిక భాగం తగులబడింది. ఉదయం పూట కావడంతో టిఫిన్, టీ తీసుకోవడానికి చాలా మంది ఆ హోటల్ దగ్గర ఉ:డటంతో పేలుడు వల్ల ఎక్కువ నష్టం సంభవించింది. . పోలీసులు సంఘటనా స్థలికి వచ్చి సహాయక చర్యలు ప్రారంభించారు. గాయపడిన వారిని సమీపంలోని ఆసుపత్రులకు తరలించారు. చాలా మంది మృతదేహాలు గుర్తు పట్టలేని విధంగా కాలిపోయాయని తెలుస్తోంది. అగ్నిమాపక సిబ్బంది మంటలను అదుపులోకి తెచ్చారు. ఈ ప్రమాదంపై మరిన్ని వివరాలు తెలియాల్సి వుంది.