ఇంద్రాణీ మెడకు చుట్టుకున్న మరో కేసు!

Posted: 08/31/2015 05:50 PM IST

భారత కార్పొరేట్ రంగంలో తీవ్ర సంచలనం సృష్టించిన షీనా బోరా హత్య కేసులో రిమాండ్ ఖైదీగా వున్న ఆమె తల్లి ఇంద్రాణీ ముఖర్జియాపై పోలీసులు మరో కేసు నమోదు చేశారు. ఇప్పటికే ఆమె షీనాని హత్య చేసినట్లుగా నిజం ఒప్పుకోవడంతో ఎందుకు చేసిందోనన్న విషయాల్ని తెలిపింది పోలీసుల విచారణలో భాగంగా వెల్లడించింది. షీనాబోరా హత్య ఉదంతం వెలుగు చూసినప్పటి నుంచి థ్రిల్లర్ సినిమాను మించిన ట్విస్టులు ఈ కేసులో వెలుగుచూశాయి. ఇప్పుడు తాజాగా పోలీసుల విచారణలో భాగంగా ఇంద్రాణీ పన్నిన మరో రహస్య కుట్ర బట్టబయలు కావడంతో ఆమెపై మరో కేసు నమోదు చేసినట్లు సమాచారం.

తన కుమారుడు మిఖాయిల్ బోరాను కూడా హత్య చేసేందుకు ఇంద్రాణీ కుట్ర పన్నిందని పోలీసులు తాజాగా ధృవీకరించారు. ఏ విధంగా అయితే ఇంద్రాణీ తన కుమార్తె షీనాబోరాని హతమార్చి సూట్ కేసులో పెట్టి దహనం చేసిందో.. అదే విధంగా కుమారుడు మిఖాయిల్ ను కూడా హత్య చేసి సూట్ కేసులో పెట్టి దహనం చేయాలని ఆమె కుట్రపన్నినట్టు పోలీసులు భావిస్తున్నారు. ఈ క్రమంలోనే ఆమె నివాసాన్ని విచారింగా.. వారికి ఓ బారీ సూట్ కేసు లభించింది. దానిని స్వాధీనం చేసుకున్నారు. దీంతో ఆమెతోపాటు ఆమె మాజీ భర్త సంజీవ్ ఖన్నా, ఆమె కారు డ్రైవర్ శ్యామ్ రాయ్ లపై మరో కేసు నమోదు చేశారు. ఈ కేసులో ఇంకా ఎన్ని ట్విస్టులు వెలుగులోకి రానున్నాయో!

AS