https://www.teluguwishesh.com/
Indian Rules Creating Problems For Indian Boy Suresh And Belgium Girl Sarah Love Marriage | Cruise Ship Love Story | Indian Rules
టైటిల్ చదవగానే ఈ స్టోరీ ఎంత ఆసక్తికరంగా వుంటుందోనన్న విషయాన్ని ఇప్పటికే పసిగట్టి వుంటారు. అవును.. అచ్చం సినిమాలాగే సాగే ఈ ‘ప్రేమ’ కథ చాలా ఇంట్రెస్టింగ్ గానూ, సరికొత్త అనుభూతిని తలపించే విధంగానూ వుంటుంది. కానీ.. ఈ లవ్ స్టోరీలో ఓ చిక్కుముడి కూడా వుంది. ఏ విధంగా అయితే ప్రేమికుల్ని విడదీయడానికి విలన్ సినిమాలో ప్రయత్నిస్తాడో.. అదేవిధంగా ఇక్కడ ఓ ఇంట్రెస్టింగ్ పాయింట్ వుంది. అయితే.. ఇక్కడ విలన్ ఓ వ్యక్తి కాదు, ప్రభుత్వం. ఎంతో అన్యోన్యంగా తమ జీవితాన్ని కొనసాగిద్దామని భావిస్తున్న ఈ జంటను ప్రభుత్వం విలన్ గా మారి, విడదీస్తోందని సమాచారం.
పూర్తి వివరాల్లోకి వెళ్తే.. తమిళనాడులోని నమక్కల్ దగ్గర్లోని కొళ్లి హిల్స్ కు చెందిన గిరిజన యువకుడు సురేష్ కుమార్ (28) షిప్ లో చెఫ్ గా పని చేస్తున్నాడు. ఇతగాడు ఓ సందర్భంలో తన కన్నా వయసులో రెండేళ్లు పెద్దదైన బెల్జియం యువతి సారాని మొదటిసారి షిప్ లో చూశాడు. అలాగే ఆ అమ్మాయి కూడా సురేష్ వైపు చూసింది. తొలి చూపులు కలిసిన ఆ శుభవేళలోనే ఇద్దరూ ప్రేమలో పడ్డారు. ఒకరినొకరు తెలుసుకుని, తమ ప్రేమను వెల్లడించుకున్నారు. ఆ తర్వాత కొన్నాళ్లకే కుటుంబసభ్యులకు తమ ప్రేమ గురించి వివరించి.. వారిని తమ వివాహానికి ఒప్పుకునేలా చేశారు. కొళ్లి హిల్స్ లోని వినాయకుడి ఆలయంలో సోమవారం సంప్రదాయ పద్దతిలో వీరిద్దరి వివాహమైంది కూడా! ఇక తమ జీవితం సాఫీగా సాగుతుందని, తమ వైవాహిక జీవితాన్ని సంతోషంగా గడుపుదామని వారు అనుకుంటున్న సందర్భంలో మన ప్రభుత్వ నిబంధనలు వారికి ఆటంకంగా మారాయి. సారా విదేశీయురాలు కావడంతో పెళ్లి రిజిస్ట్రేషన్ కు నిబంధనలు అడ్డుగా నిలిచాయి.
సారా విదేశీ యువతి కావడం వల్ల ధ్రువపత్రం ఇవ్వడం కుదరదని అభ్యంతరం తెలిపారు. పెళ్లి రిజిస్ట్రేషన్ అయ్యి.. మ్యారేజ్ సర్టిఫికెట్ వస్తేనే సారాకు లాంగ్ టర్మ్ వీసా వస్తుంది. అప్పుడే ఆమె తన జీవితాన్ని సురేష్ తో కొనసాగించేందుకు సాధ్యమవుతుంది. ఇదే విషయమై సురేష్ చెబుతూ.. ‘మ్యారేజ్ సర్టిఫికెట్ వస్తేనే సారాకు లాంగ్ టర్మ్ వీసా వస్తుంది. అప్పుడే ఆమె నాతో కలిసి ఇక్కడే జీవితాన్ని ప్రారంభించే అవకాశం లభిస్తుంది. మరికొద్ది రోజుల్లో ఆమె వీసా గడువు ముగుస్తుంది. కాబట్టి సారా బెల్జియం తిరిగా వెళ్లాల్సి ఉంటుంది’ అని తెలిపాడు. సారాకి భారతీయ సంస్కృతి అన్నా, ఇక్కడి విలువలన్నా చాలా ఇష్టమని అతడు పేర్కొన్నాడు. మరి.. వీరి కథ సుఖాంతం అవుతుందా..? ప్రభుత్వం వీరి పెళ్లికి స్టాంప్ వేస్తుందా..? సారా ఇక్కడే వుండే అవకాశాలున్నాయా..? ఇంతకీ వీరి ఎలా ముగుస్తుందో వేచి చూడాల్సిందే!
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
