దేశంలో అశ్లీల వైబ్ సైట్లు నిషేధం అవ్వడమే ఆలస్యం.. ఆ నిర్ణయానికి వ్యతిరేకంగా అన్నివర్గాలనుంచి దేశవ్యాప్తంగా నిరసనలు వెల్లువెత్తాయి. సామాజిక మాధ్యమాల్లో ప్రస్తుతం ఆ విషయంపైనే తీవ్రస్థాయిలో చర్చ కొనసాగుతోంది. మీడియాలో కూడా ఈ అంశంపై వార్తలమీద వార్తలొస్తున్నాయి. మొత్తం 857 అశ్లీల వెబ్ సైట్లను బ్యాన్ చేయడంపై ఊహించని విధంగా వ్యతిరేకత వెలువడింది. దీంతో మోదీ సర్కారు నష్టనివారణకు చర్యకు దిగిరాక తప్పలేదు. ఈ పోర్న్ వెబ్సైట్లకు అడ్డుకట్టవేస్తే అది వైద్య, విజ్ఞాన రంగాలకు సంబంధించిన కీలక సమాచారం గల్లంతుకు కారణమవుతుందని శాస్త్రవేత్తలు, ఐటీ నిపుణులు హెచ్చరించిన నేపథ్యంలో.. ప్రభుత్వం ఆచితూచి అడుగులు వేయాలనుకుంటోంది.
ఈ నేపథ్యంలో స్పందించిన కేంద్ర టెలికాం, ఐటీ శాఖమంత్రి రవిశంకర్ ప్రసాద్.. ఇంటర్నెట్ లో పోర్న్ ను పూర్తిగా నిషేధించడం తమ ఉద్దేశం కాదని, వాటిని పర్యవేక్షిస్తూ వుండాలన్నదే తమ అభిమతమని ఆయన వ్యాఖ్యానించారు. దీనికోసం స్వతంత్ర ప్రతిపత్తి కలిగిన అంబుడ్స్మన్ వ్యవస్థను త్వరలో ఏర్పాటుచేయనున్నట్లు ఆయన పేర్కొన్నారు. ‘ప్రజలపై మోరల్ పోలిసింగ్ చేసే ఉద్దేశం మాకు లేదు, విపరీత పరిణామాలు తలెత్తకముందే ముందు తగిన జాగ్రత్తలు తీసుకోవాలన్నదే ప్రభుత్వ ఉద్దేశం’ అని ప్రసాద్ వివరించారు. ఆయన ఈ విధంగా మాట్లాడటంపై కూడా ప్రభుత్వ దిద్దుబాటు చర్యల్లో భాగమేనని విశ్లేషకులు భావిస్తున్నారు. ఇంతకీ ఈ సైట్లను బ్యాన్ చేయడంపై వ్యతిరేకత ఎందుకు వ్యక్తమవుతోందంటే.. వీటికి అనుబంధంగా వుండే కొన్ని కీలకమైన సమాచారం నెటిజన్లకు అడ్డు పడుతుంది కాబట్టి!
వెబ్ ఫిల్టర్లు కేవలం ‘కీ పదాల’ ఆధారంగా పని చేస్తాయిగనుక ఎయిడ్స్కు సంబంధించిన సమాచారం గల్లంతుకావచ్చు. సెక్స్ సమస్యలకు సంబంధించిన వైద్య విజ్ఞానానికి సంబంధించిన సమాచారమూ నెటిజన్లకు చేరకుండా అడ్డుపడుతుంది. ‘సెక్స్’ అనే కీ పదాన్ని వెబ్ ఫిల్టర్లు అడ్డుకున్నా.. వినియోగదారులకు ప్రత్యామ్నాయ మార్గాలు ఉండకపోవు. అంతేకాదు.. మరెన్నో వెబ్ ఫిల్టర్లకు దొరకని పదాల ద్వారా ఇలాంటి వెబ్ సైట్లకు వెళ్లే అవకాశాలు వుండటంతో.. పోర్న్ సైట్లపై బ్యాన్ బదులు నిఘా పెట్టాలని కేంద్రం యోచిస్తోంది. ఇదిలావుండగా.. పోర్న్ వెబ్సైట్లను చూసే దేశాల్లో భారత్ ఐదో స్థానంలో ఉందని 2013-2014 జరిపిన సర్వేలో తేలిందని అలెగ్జా తెలియజేసింది. ఈ సైట్లను చూసే ప్రపంచ ప్రజల సరాసరి సగటు 7.6 శాతం ఉండగా, భారత్ ప్రజల సగటు 7.32 శాతం వుంది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more