కాంట్రాక్ట్ లెక్చలర్లను రెగ్యులర్ చేస్తాం: కడియం శ్రీహరి

Posted: 07/27/2015 09:38 AM IST

Kadiyam srihari said that telangana govt will regular the contract lecturers in govt colleges

ప్రభుత్వ జూనియర్ కాలేజీలలో ఎంతో కాలంగా పని చేస్తున్న కాంట్రాక్టు అధ్యాపకులను రెగ్యులరైజ్ చేయడానికి ప్రభుత్వం సానుకూలంగా ఉందని ఉప ముఖ్యమంత్రి కడియం శ్రీహరి అన్నారు. ఈ మేరకు తమ పార్టీ ఎన్నికల మ్యానిఫెస్టోలో పొందుపరిచిన హామీని నిలబెట్టుకునే ప్రయత్నం చేస్తున్నామన్నారు. ప్రస్తుతం కాంట్రాక్టు అధ్యాపకుల రెగ్యులరైజ్‌కు సంబంధించిన మార్గదర్శకాలు జీఏడీ అధికారులు తయారు చేస్తున్నారని, వారం పది రోజులలో ఈ పోస్టుల భర్తీపై నిర్ణయం తీసుకుంటామని డిప్యూటీ సీఎం కడియం హామీ ఇచ్చారు.

Also Read: తెలంగాణ నిరుద్యోగ యువతకు తీపికబరు
Also Read: తెలంగాణలో ఉద్యోగాల భర్తీకి అంతా రెడీ: విఠల్

అలాగే జూనియర్ కాలేజీలలో పనిచేస్తున్న టీచింగ్, నాన్ టీచింగ్ సిబ్బంది సమస్యలు పరిష్కరించడానికి తక్షణమే చర్యలు తీసుకుంటామన్నారు. ప్రభుత్వ జూనియర్ కాలేజీలలో రెగ్యులర్ అధ్యాపకులుగా పనిచేస్తున్న వారికి ఉద్యోగ భద్రత ఉండడం వల్లే విద్యార్థుల నమోదు సంఖ్య పడిపోతున్నదని కడియం మండిపడ్డారు. ప్రభుత్వ జూనియర్ కాలేజీలలో ఉన్న సమస్యలు పరిష్కరించడంతో పాటు కనీస సదుపాయాలు కల్పించడానికి రాష్ట్ర ప్రభుత్వం రూ.140 కోట్లు విడుదల చేసిందన్నారు. అయితే ఇంటర్మీడియట్ విద్యలో మెరుగైన ఫలితాలు సాధించడానికి తమవంతు కర్తవ్యాన్ని కూడా నిర్వహించాలని, అందుకోసం ఎక్కవ సమయం కాలేజీలలో గడపాలని కడియం శ్రీహరి అధ్యాపకులను ఆదేశించారు. ఈ క్రమంలో సాంఘిక, ఆర్థిక అసమానతలతో పాటు విద్య అసమానతలు వచ్చే ప్రమాదం పొంచి ఉందని ఆయన అభిప్రాయపడ్డారు. ఈ క్రమంలో మెరిట్‌కు నాన్ మెరిట్‌కు మధ్య ఉద్యమాలు వచ్చే అవకాశాలు ఉన్నాయన్నారు.

Also Read: ఈ నెలాఖరుకల్లా ఉద్యోగ ప్రకటన