సీఎం చౌహాన్ కూడా వ్యాపం కుంభకోణంలో దోషే

Posted: 07/06/2015 10:22 PM IST

వ్యాపమ్‌ స్కామ్‌లో మధ్యప్రదేశ్‌ ముఖ్యమంత్రి శివరాజ్‌ సింగ్‌ చౌహాన్‌ కూడా నిందితుడే అని కాంగ్రెస్‌పార్టీ ఆరోపించింది. తక్షణం ముఖ్యమంత్రి శివరాజ్ సింగ్ చౌహాన్ ను ముఖ్యమంత్రి పదవి నుంచి తప్పించాలని కాంగ్రెస్ పార్టీ డిమాండ్ చేసింది. ఈ కిల్లర్ కుంభకోణంపై ప్రధాని నరేంద్ర మోదీ దేశ ప్రజలకు వివరించాలని డిమాండ్ చేసింది. కేంద్ర మంత్రులు, ముఖ్యమంత్రి వసుంధర రాజేలు అభియోగాలు ఎదుర్కోంటున్న లలిత్ గేట్ కుంభకోణంలో వహించినట్టు మౌనం వహించడం తగదని కాంగ్రెస్‌ అంటోంది.

బిజేపి కి చెందిన ముఖ్యమంత్రులు, కేంద్రమంత్రులు స్కామ్‌లో పుట్టలుగా మారారని కాంగ్రెస్‌ ఆరోపించింది. ఈ సందర్భంగా సోమవారం కాంగ్రెస్‌ అధికార ప్రతినిధి పిసీ చాకో మాట్లాడుతూ ఇది అవినీతి మరక పట్టిన ప్రభుత్వమని బీజేపీపై మండిపడ్డారు. ఏడాది క్రితం అవినీతి రహిత పాలన అందిస్తామని హామీ ఇచ్చిందని, ఇప్పుడు అదే పార్టీ స్కామ్‌లతో నిందిపోయిందని ఆయన అన్నారు. అవినీతికి మారు పేరుగా నిలుస్తోందని చాకో విమర్శించారు. ఇకనైనా ప్రధాని మోదీ నోరు విప్పాలని ఆయన డిమాండ్‌ చేశారు. ప్రధాని ఇండియాలో ఉండరని, భారత్‌లో గడిపేందుకు ఆయనకు సమయమే దొరకడ లేదని చాకో అన్నారు.

జి. మనోహర్