రెండు రోజుల్లో మాట్లాడతా.. పవన్ కళ్యాణ్ ట్వీట్

Posted: 06/29/2015 12:46 PM IST

జనసేన పార్టీ అధినేత, తెలుగు సినిమా నటుడు పవన్ కళ్యాణ్ తెలుగు రాష్ట్రాల్లో చోటుచేసుకున్న తాజా పరిణామాలపై మరో రెండు రోజుల్లో స్పందిస్తానని ట్వీట్ చేశారు. తెలుగు రాష్ట్రాల మధ్య వివాదాలైన ఓటుకు నోటు, ట్యాపింగ్, సెక్షన్ 8లపై మరో రెండు రోజుల్లో మీడియా సమక్షంలో మాట్లాడతానని వివరించారు. ఓటుకు నోటు, ట్యాపింగ్ వ్యవహారంతో పాటుగా సెక్షన్ 8 మీద తన అభిప్రాయాలను మరో రెండు రోజుల్లో తెలియపరుస్తానని అన్నారు. ఒకవేళ అవసరమైతే ఈ వారంలో లేదా వచ్చే వారంలో తాను ప్రెస్ కు ఫోన్ చెయ్యొచ్చు అని కూడా తెలిపారు. అయితే తెలుగు రాష్ట్రాల మధ్య సాగుతున్న వివాదాల వల్ల భావితరాల మధ్య తిగిరి కోలుకోలేనంత అంతర్యుద్దాలు సంభవిస్తాయని అన్నారు. తల్లిదం్రుడుల తిట్టుకుంటూ లేస్తే పిల్లలు కొట్టుకుంటూ లేస్తారని అలాగే పాలకులు బాధ్యత లేని ప్రవర్తనతో, మాటలతో ప్రభుత్వాలని నడిపితే ఇలానే ఉంటుంది అంటూ ట్వీట్ చేశారు. పాలించే వారి మీదనే అన్నీ ఆధారపడతాయని పెద్ద వాళ్లు చెప్పే వారని, అయితే మరి ఈ నాయకులు మనల్ని ఎలా ముందుకు తీసుకువెళతారో చూడాలని అన్నారు.

తాజాగా పవన్ కళ్యాణ్ రెండు రోజుల్లో తాజాగా పరిణామాలపై చర్చిస్తాను అన్న ట్వీట్ రాజకీయ వర్గాల్లో దుమారాన్ని రేపుతోంది. ఇక రాజకీయ మేధావులు సైతం పవన్ కళ్యాణ్ ఆలచనా ధోరణిని మెచ్చుకుంటున్నారు. రైతుల నుండి బలవంతంగా భూములు లాక్కోవడాన్ని తీవ్రంగా వ్యతిరేకించిన పవన్ కళ్యాణ్.. తాజాగా మరోసారి తెలుగు రాష్ట్రాల్లో చోటు చేసుకుంటున్న పరిణామాలపై స్పందిచనున్నారు. అయితే జనసేన పార్టీ ఆవిర్భావం తర్వాత పవన్ కళ్యాణ్ ఎంతో జాగ్రత్తగా అడుగులు వేస్తున్నారు. ఇప్పటికే తెగే దాకా వ్యవహారాన్ని లాగవద్దని హితవు పలికిన పవన్ కళ్యాణ్ తాజా ట్వీట్లు సంచలనాన్ని సృష్టిస్తున్నాయి. మరి ఎప్పుడు పవన్ కళ్యాణ్ మాట్లాడతారు..? ఏం మాట్లాడతారు ?? అన్న దానిపై సర్వత్రా ఆసక్తి నెలకొంది.

*అభినవచారి*