సర్వీస్ ప్రొవైడర్లు ట్యాపింగ్ పై ఏం మాట్లాడారు..?

Posted: 06/23/2015 01:32 PM IST

Service providers gave details in the case of phone tapping

ఏపి ప్రభుత్వం ఫోన్ ట్యాపింగ్ వ్యవహారాన్ని చాలా సీరియస్ గా తీసుకుంది. ఓటుకు నోటు వ్యవహారంలో వెలుగులోకి వచ్చిన ట్యాపింగ్ కోణం తాజాగా తెలంగాణ అధికారులకు తలనొప్పిగా మారింది. అయితే ఏపి ప్రభుత్వం ట్యాపింగ్ తో సంబందం ఉన్న ప్రతి అంశాన్ని నిశితంగా పరిశీలిస్తోంది. సర్వీస్ ప్రొవైడర్లకు నోటీసులు పంపిన ఏపి పోలీసులు దానిపై వారి వివరణ కోరారు. తెలంగాణ కు చెందిన వారెవరైనా ట్యాపింగ్ చెయ్యాలని ఆదేశించారా..? లేదా తెలంగాణ ప్రభుత్వం నుండి లేఖ ఏమైనా అందిందా..? లేదా కావాలనే ఇలాంటి పని చేశారా?? చేస్తే ఎంత మంది చేశారు..? ఎవరెవరి ఫోన్లను ట్యాప్ చేశారు..? ఎంత కాలంగా చేస్తున్నారు..? అన్న కోణంలో ఏపి సర్కార్ వివరాలు రాబట్టేందుకు ప్రయత్నాలు చేస్తోంది. అయితే అటు సర్వీస్ ప్రొవైడర్లకు, ఇటు టి న్యూస్, సాక్షిలకు నోటీసులు పంపించారు ఏపి పోలీసులు. ఈ కేసులో మొత్తం 12 మంది సర్వీస్ ప్రొవైడర్లకు నోటీసులిచ్చి మూడు కంపెనీల నుండి వివారాలు సేకరించారు. యునినార్, డొకొమో, ఎయిర్ టెల్ ప్రతినిధులను పోలీసులు ప్ర:శ్నించారు.

అయితే ఏపికి చెందిన 147 సెల్ నెంబర్స్ పై సర్వీస్ ప్రొవైడర్లను ఏపి అధికారులు ప్రశ్నించారు. అయితే హైదరాబాద్ లోని యునినార్ ఫ్యాన్సీ నెంబర్లు ఎక్కువగా ఉండటంతో యునినార్ ప్రతినిధులను ఎక్కువసేపు విచారించారు. అయితే ఇక కాల్ డేటాకు సంబందించిన అన్ని వివరాలను సేవ్ చెసి ఉంచాల్సిందిగా సర్వీస్ ప్రొవైడర్లకు ఏపి అధికారులు ఆదేశించారు. మూడు నెలల డాటా సేవ్ చేసి ఉంచాలని ఆదేశించినట్లు సమాచారం. అయితే సర్వీస్ ప్రొవైడర్లు ట్యాపింగ్ పై ఎలాంటి వివరణ ఇచ్చారు అన్న దానిపై ఇంకా క్లారిటీ రాలేదు. నిజంగా ట్యాపింగ్ కు పాల్పడ్డట్లు సర్వీస్ ప్రొవైడర్లు ఒప్పుకున్నారా..? లేదా..? అన్నది తేలాల్సి ఉంది. సర్వీస్ ప్రొవైడర్లు ఇచ్చిన సమాచారం ట్యాపింగ్ కేసులో ఎంతో కీలకం కానున్న నేపథ్యంలో సర్వీస్ ప్రొవైడర్లు ఏం చెప్పారని సర్వత్రా చర్చ సాగుతోంది.

*అభినవచారి*