తీరం దాటిన వాయుగుండం.. భారీ వర్షంతో క్షణక్షణం గండం..

Posted: 06/21/2015 03:10 PM IST

ఆంధ్రప్రదేశ్, ఒడిషా రాష్ట్రాలతో పాటు తెలంగాణ సహా దక్షిణాది రాష్ట్రాలను హడలెత్తిస్తున్న వాయుగుండం.. కోస్తా తీర ప్రాంత వాసులకు క్షణక్షణం గండంగా మార్చుతూ తీరాన్ని దాటింది. పూరి-గోపాలపూర్‌ మధ్య వాయుగుండం తీరం దాటిందని విశాఖ తుఫాను హెచ్చరికల కేంద్రం అధికారులు ఓ ప్రకటనలో వెల్లడించారు. పూల్ బనికి 9 కిలోమీటర్ల దూరంలో వాయుగుండం కేంద్రీకృతమైందని పేర్కోంది. వాయుగుడం క్రమేపి బలహీన పడి అల్పపీడనంగా మారే అవకాశం వుందని పేర్కోంది.

ఫలితంగా గంటకు 45-55 కిలోమీటర్ల వేంగంతో ఉత్తరకోసత్ాలో, 45 నుంచి 50 కిలోమీటర్ల వేగంతో దక్షిణ కోస్తాలో ఈదరుగాలులు వీస్తాయని వివరించింది. దీంతో కోస్తాంధ్రలో విస్తారంగా వర్షాలు కురుస్తాయని పేర్కోంది. కొస్తాతో పాటుగా తెలంగాణలోనూ మోస్తారు నుంచి భారీ వర్షాలు, ఒకట్రెండు చోట్ల భారీ వర్షాలు పడే అవకాశం ఉందని తెలిపారు. ఇప్పటికే, శ్రీకాకుళం జిల్లా ఇచ్చాపురంలో 20 సెం.మీల వర్షపాతం నమోదైందని అధికారులు చెప్పారు. అయితే సముద్రంలో చేపల వేటకు మత్య్సకారులు  వెళ్లరాదని వాతావరణ కేంద్రం అధికారులు హెచ్చరించారు.

జి. మనోహర్