వృత్తి న్యూస్ రీడర్.. ప్రవృత్తి వ్యభిచారం..

Posted: 06/06/2015 09:46 PM IST

అమె వృత్తి న్యూస్ రీడర్.. కానీ ప్రవృత్తి మాత్రం నీచం. అందుకనే అమెను పోలీసులు అడ్డంగా బుక్ చేశారు. ఎందుకంటారా..? అమె ప్రవృత్తి రిత్యా వ్యభిచారిని. అంతేకాదు యువతులను మభ్య పెట్టి వ్యభిచార కూపంలోకి దించుతోందన్న ఆరోపణలపై మాయ లేడీ సన్మా ను కదిరి పోలీసులు శనివారం అదుపులోకి తీసుకున్నారు. నిందితురాలు సన్మతో సహా మరో ఇద్దరు విటులను పోలీసులు అదుపులోకి తీసుకున్నారు. వారి నుంచి ఓ కంప్యూటర్, మూడు మెమొరీ కార్డులను స్వాధీనం చేసుకున్నారు.

వివరాల్లోకి వెళ్తే... అనంతపురం జిల్లా కదిరి ఆర్‌ఎస్ రోడ్డుకు చెందిన ఓ యువతి ఇటీవల కనిపించకుండా పోయింది. దీనిపై యువతి తండ్రి పోలీసులను ఆశ్రయించాడు. తన కూతురు కనిపించకుండా పోయే ముందు ఓ ఉత్తరాన్ని రాసిపెట్టింది. అందులో "న్యూస్‌రీడర్ తనను వ్యభిచార కూపంలోకి దింపి విటులతో నగ్నంగా ఉన్న దృశ్యాలను సెల్‌ఫోన్‌లో చిత్రీకరించి వాట్సప్ ద్వారా చాలా మందికి పంపింది. తనకు జరిగిన అన్యాయం మరో యువతికి జరగకూడదు" అంటూ ఉత్తరాన్ని రాసి వెళ్లిందని బాధితురాలి తండ్రి తన ఫిర్యాదులో పేర్కొన్నాడు.

నిందితురాలు సన్మా న్యూస్ రీడర్ గా పని చేసేది. గత సార్వత్రిక ఎన్నికల్లో ఓ రాజకీయ పార్టీ తరఫున ప్రచారంలో కూడా పాల్గొన్నట్టు సమాచారం. దీనిపై విచారణ చేపట్టిన పోలీసులు రాజకీయ ఒత్తిళ్లకు తలొగ్గి ఆమెను కేసు నుంచి తప్పించేందుకు ప్రయత్నిస్తున్నట్టు తెలుస్తోంది. బాధితుడు ఇచ్చిన ఫిర్యాదును మార్చేసి కొత్తగా మరొకటి రాయించుకున్నట్లు ఆరోపణలున్నాయి. కాగా, పోలీస్‌స్టేషన్ సిబ్బందిని ఆరా తీయగా.. తన కుమార్తె కనిపించడం లేదంటూ ఓ వ్యక్తి ఫిర్యాదు చేసిన మాట వాస్తవమేనని అంగీకరించారు.

జి. మనోహర్