వ్యభిచారంకూపం నుంచి బయటపడిన టాలీవుడ్ నటి

Posted: 06/03/2015 10:09 AM IST

Goa police rescue telugu hindi actress bust prostitution ring friend ayesha syed

బ్రతుకుదెరువు కోసం ఎన్నో కష్టాలు అనుభవిస్తున్న మహిళలపై కొందరు వ్యక్తులు కన్నేసి వారితో అడ్డదారులు తొక్కిస్తుంటారు. డబ్బును క్యాచ్ చేసుకోవడం కోసం వారి బలహీనతను గుర్తించి.. తమ మాయమాటల్లో వారిని పడేసి వ్యభిచారం కూపిలోకి లాగుతుంటారు. ఈ విధంగా ఓ యువతి డబ్బులకు ఆశపడి సినీఇండస్ట్రీలో నటిగా కొనసాగుతున్న తన స్నేహితురాలిని వ్యభిచారం కూపిలో లాగింది. అయితే.. ఈ సమాచారం పోలీసులకు తెలియడంతో సదరు నటి వ్యభిచారం కూపి నుంచి విముక్తి పొందింది.

వివరాల్లోకి వెళ్తే.. తెలుగు, హిందీ భాషల్లో పలు సినిమాల్లో నటించి ప్రేక్షకులను మెప్పించిన ఓ నటికి ఇటీవలే సినిమా అవకాశాలు పూర్తిగా తగ్గిపోయాయి. ఆఫర్లకోసం ఎంతగానో ప్రయత్నించినప్పటికీ ఫలితం దక్కలేదు. దీంతో రానురాను ఆమెకు జీవనం కొనసాగించడం కష్టతరంగా మారింది. ఈ విధంగా ఆ నటి కష్టాల్లో మునిగిపోగా.. దాన్ని అవకాశం తీసుకుని ఆమెను వ్యభిచారం కూపంలోకి దింపేందుకు సాక్షాత్తు ఆమె సహాయకురాలు ఆయేషా సయ్యద్ (30) ప్రయత్నించింది. ఇందుకు ఆమె ఓ పథకం కూడా రచించింది.

ఈ క్రమంలోనే నటి, ఆమె సహాయకురాలు ఇద్దరూ మంగళవారం ఉదయం పణజికి చేరుకుని ఓ ఫైవ్స్టార్ హోటల్లో రూమ్ తీసుకున్నారు. రాత్రయిన తర్వాత ఆ గదికి ఓ బడాబాబు చేరుకున్నాడు. అంతలోనే సమాచారం తెలుసుకున్న పోలీసులు హోటల్ పై దాడి చేశారు. పోలీసులు వచ్చిన విషయాన్ని పసిగట్టిన విటుడు.. తెలివిగా వారి కన్నుగప్పి అక్కడి నుంచి పారిపోయాడు. అయితే.. అక్కడే వున్న నటిని, ఆమె సహాయకురాలిని పోలీసులు అదుపులోకి తీసుకున్నారు. అలా ఇద్దరినీ అదుపులోకి తీసుకుని వారిని విచారించగా.. నిస్సహాయ స్థితిలో ఉన్న తనను బలవంతంగా వ్యభిచార కూపంలోకి దింపేందుకు ఆయేషా ప్రయత్నిస్తోందని నటీమణి పోలీసులకు తెలిపింది.

ఆ నటి వాంగ్మూలం తీసుకుని అనంతరం ఆమెను ప్రభుత్వ పునరావాస కేంద్రానికి తరలించామని.. ఆయేషాపై కేసు నమోదుచేసి, విటుడి కోసం గాలిస్తున్నామని పణజి ఇన్స్పెక్టర్ సిద్దాంత్ శిరోద్కర్ తెలిపారు. కాగా వ్యభిచారం చేయ‌డానికి వెళ్లిన విటుల‌పై కూడా 370ఏ కేసు పెట్ట‌వ‌చ్చ‌ని హైకోర్టు ఇటీవలే సంచ‌ల‌న వ్యాఖ్య‌లు చేసిన విషయం తెలిసిందే. నేరం రుజువైతే విటుడికి ఐదేళ్ల నుంచి ఏడేళ్ల వ‌ర‌కు జైలు శిక్ష ప‌డుతుంది.