ITEMVIDEOS: చిట్టి చిట్టి డ్రోన్.. వార్తల్లో నిలిచెన్

Posted: 05/19/2015 01:24 PM IST

ఒకప్పుడు టీవీ సెట్ పెట్టాలంటే ఇంట్లో చాంతాడంత స్థలం అవసరం అయ్యేది. కానీ ఇప్పుడు మాత్రం స్థలమే అవసరం లేదు ఎల్సిడిలు, ఎల్ఈడీలు వచ్చాక చక్కగా ఏ గోడకైనా అతికించెయ్యొచ్చు. అలా మారుతున్న టెక్నాలజీ మనకు చాలా కన్వీనెంట్ గా మారుతున్నాయి. అయితే తాజాగా ఓ బుల్లి డ్రోన్ అంతర్జాతీయంగా వార్తలకెక్కింది. అర చేతిలో ఇమిడిపోయే బుల్లి డ్రోన్ ఇప్పుడు అందరి దృష్టిని ఆకర్షిస్తోంది. ఇప్పుడు టెక్నాలజీ లో ప్రాముఖ్యతను పెంచుకుంటోంది ద్రోణ్‌. ఈ మధ్యకాలంలో పిజ్జా డెలివరీలకు, సెల్ఫీలు తీసేందుకు ఎక్కువగా ద్రోణ్‌ లను ఉపయోగిస్తున్నారు. అయితే ప్రపంచంలోనే అతి చిన్న ద్రోణ్ ఇప్పుడు అందరినీ ఆకట్టుకుంటోంది. 2 అంగుళాలు గల స్కేయి నానో డ్రైవర్‌ పేరుగల బుల్లి ద్రోణ్‌ అన్ని ఫీచర్స్‌ తో ఆకర్షిస్తోంది. 100mAh బ్యాటరీ కెపాసిటీతో నడిచే ఈ చిన్న ద్రోణ్‌ లో ఎల్‌ ఈడీ లైట్స్‌ ఉండటం విశేషం. దీనివల్ల చీకట్లో కూడా ఇది తన పని పూర్తి చేయగలదు. దీని ధర 35 యూఎస్‌ డాలర్లు.

*అభినవచారి*