భూకంపంలో ప్రాణాలతో బయటపడ్డ నాలుగు నెలల చిన్నారి

Posted: 04/30/2015 11:49 AM IST

నేపాల్ లొ సంభవించిన భూకంపం కొన్ని వేల మందిని బలితీసుకుంది. ఎంతో మంది చిన్నారులు తమ తల్లిదండ్రులను కోల్పోయారు. ఎంతో మంది ఇంకా శిథిలాల కింద మగ్గుతున్నారు. చనిపోయిన వారి కోసం ఏడుస్తున్న వారి ఆర్త నాదాలు ఓ వైపు.. బతికున్నా ఆహారం అందక మరి కొందరి అరుపులు ఏడుపులు ఇలా నేపాల్ లో భయంకరమైన పరిస్థితి నెలకొంది. ఎటు చూసినా శవాల దిబ్బలు కనిపిస్తున్నాయి. అలాంటి వైపరిత్యంలోనూ ఓ అద్బుతం జరిగింది. నాలుగు నెలల ఓ చిన్నారి 22 గంటల తర్వాత బయటకు తీశారు.

నేపాల్ సంభవించిన భూకంపంలో ఒక అద్భుతం జరిగింది. ఆ భూకంప ప్రళయంలో ఒక ఇల్లు పూర్తిగా ద్వంసమైంది. ఆ ఇంట్లోని వారంతా విగతజీవులయ్యారు. వారి శరీరాలను శిధిలాల నుండి బయటకు తీసారు. తర్వాత శిధిలమైన ఆ ఇంటిలోని వస్తువులను పక్కకు తరలించేటప్పుడు, ఆ శిధిలాల లో ఒక చిన్నారి సజీవంగా ఉన్నట్లు గుర్తించారు. ఆ శిధిలాలను జాగ్రత్తగా పక్కకు తొలగించి చూస్తే, ఒక నెలల చిన్నారి ప్రాణాలతో సజీవంగా బ్రతికి ఉంది. వైద్యులు ఆ చిన్నారికి చికిత్స అందిస్తూ, ఆ చిన్నారి వయసు నాలుగు నుండి ఐదు నెలల మధ్య ఉండొచ్చునని, ఆ చిన్నారి సజీవంగా ఉండటం ఒక మిరకిల్ అని వారు పేర్కొన్నారు

*అభినవచారి*