రెండు వారాల సెలవు పై వెళ్లి... ఏకంగా ఏడు వారాలు దాటింది. అయినా అడ్రస్ లేరు ఆ మనిషి. ఆయనెవరో సాధారణ వ్యక్తయితే... ఎవరూ పెద్దగా పట్టించుకునేవారు కాదు. ఘనచరిత్ర కలిగిన కాంగ్రెస్ పార్టీకి ఉపాధ్యక్షుడు, కాబోయే అధ్యక్షుడు...రాహుల్ గాంధీ. ఆయన సెలవుపై వెళ్లి సరిగ్గా 54 రోజులవుతోంది. మరి రాహుల్ గాంధీ ఇంతకాలం ఎక్కడికెళ్లినట్లు? ఏం చేస్తున్నట్లు? ఎప్పుడొస్తున్నట్లు? కాంగ్రెస్ లో మునుపెన్నడూ లేదు ఇంతటి ఉత్కంఠ. ఎన్నికల ఫలితాల సందర్భంలో కూడా జయాపజయాలపై ఒక అంచనా ఉండేది. కానీ.. రాహుల్ -రాకపై మాత్రం ఇప్పుడు ఎవరికీ ఎలాంటి అంచనాలూ లేకుండా పోయాయి. ఆయన ఎప్పుడు వస్తాడో తెలియక సర్వత్రా చర్చ సాగుతోంది.
కాంగ్రెస్ అధినేత్రి సోనియా గాంధీతో సహా... పార్టీ నేతలంతా రాహుల్ రాకకోసమే ఎదురుచూస్తున్నారు. ఎప్పుడో ఫిబ్రవరి 16న రెండు వారాల సెలవు కోరారు...రాహుల్ గాంధీ. ఫిబ్రవరి 23న బడ్జెట్ సమావేశాలు ప్రారంభమైన తర్వాత గానీ..ఆయన సెలవుపై వెళ్లిన విషయం బయటకు తెలియలేదు. అంతవరకూ రాహుల్ వెన్నంటి ఉన్న నేతలకు కూడా రాహుల్ వైఖరేంటో? అంతుపట్టడం లేదు.
రాహుల్ ఎక్కడికెళ్లారు? ఏం చేస్తున్నారు? ఎప్పుడొస్తారు?...అని ప్రశ్నిస్తే..ఒక్కొక్కరిది ఒక్కో సమాధానం. నేతల మాటలకు పొంతన లేకుండా పోయింది. ఏఐసీసీ కీలక పదవుల్లో ఉన్న నేతలు కూడా రాహుల్ గాంధీ టూర్ వివరాలు తెలియక తికమకపడుతున్నారు. మీడియా వాళ్లు గుచ్చిగుచ్చి అడుగుతుంటే..అమ్మ సోనియా గాంధీ కూడా...తిరిగొస్తారనే చెప్పారు కానీ, ఎప్పుడొచ్చేదీ స్పష్టం చేయలేకపోయారు.
అయితే నెట్ లొ మాత్రం రాహుల్ గాంధీ ప్రపంచంలో ఎక్కడ ఉన్నారు?.. ఏం చేస్తున్నారు?.. అని కొన్ని కార్టూన్లు హల్ చల్ చేస్తున్నాయి. రాహుల్ గాంధీ బెర్ముడాలో ఉన్నారా అని, సర్ఫింగ్ చేస్తున్నాడా అని ఓ కార్టూన్ వచ్చింది. రాహుల్ బైక్ పై జోరుగా షికార్ చేస్తున్నారని మరో కార్టూన్. మాస్ జనాల్లో మారు మూల గ్రామీణ ప్రాంతాల్లో ఉన్నారని, ఆల్ఫ్ పర్వతాల్లో స్కిప్పింగ్ చేస్తున్నారని ఇలా రకరకాల కార్టూన్లు నెట్ లో హల్ చల్ చేస్తున్నాయి.
రాహుల్ సెలవుపై...రాజకీయపక్షాల్లో ఒకటే సెటైర్లు! విపక్షం నుంచే కాదు...స్వపక్షం నుంచీ విమర్శల దాడి పెరిగింది. రాహుల్ గాంధీ..తప్పిపోయిన విమానం లాంటి వారని బీజేపీలో ఓ నేత విమర్శిస్తే...ఆయన వస్తే ఎంత, రాకపోతే ఎంతంటూ... మరోనేత విసుర్లు! ఈ తరహా విమర్శలు, విసుర్లే కాదు..కింది స్థాయిలో నిరసనలు కూడా సాగాయి.
- అభినవచారి
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more