సూర్యాపేట కాల్పుల్లో.. సిమి ఉగ్రవాదులు..!

Posted: 04/04/2015 12:56 PM IST

Police identify that two gangsters are belongs to semi terorist group

సూర్యపేట బస్టాండ్ లో జరిగిన కాల్పుల ఘటనలో విస్తు పోయే నిజాలు వెలుగులోకి వస్తున్నాయి. పోలీసులపైకి కాల్పులు జరిపింది దొంగలు అని ముందు అనుకున్నా, తరువాత మాత్రం కొన్ని అనుమానాలు కలిగాయి. ఈ ఉదయం ఇద్దరు దుండగులను కాల్చి చంపిన పోలీసులు వెల్లడించిన నిజాలు అందరికి ఆశ్చర్యాన్ని కలిగిస్తున్నాయి. పోలీసులపై కాల్పులు జరిపిన వారు మామూలు వ్యక్తులు కాదు.. గతంలో ఎన్నో నేరాల్లో నిందితులుగా రికార్డులకెక్కారు. అయితే దేశంలో నిషేదాన్ని ఎదుర్కొంటున్న సెమీ ఉగ్రవాద సంస్థకు చెందిన ఇద్దరు కీలక ఉగ్రవాదులుగా పోలీసులు గుర్తించారు. సిమీ కు చెందిన ఉగ్రవాది అబూ ఫైజల్ గ్యాంగ్లో అస్లాం ఆయుబ్ , జాకీర్ హుస్సేన్ కీలకం. గతంలో మధ్యప్రదేశ్ ఖండ్వా జైలు నుంచి వీరిద్దరు పరారైనట్లు తెలుస్తోంది. కాగా, దుండగులు ఇద్దరిని ఇంకా ఉగ్రవాదులుగా గుర్తించలేదని, విచారణ కొనసాగుతుందని రాష్ట్ర డీజీపీ అనురాగ్ శర్మ పేర్కొన్నారు.

ముంబై యాంటీ టెర్రరిస్ట్ వాంటెడ్ లిస్ట్లోఅస్లం అయూబ్, జాకీర్ హుస్సే న్ పేర్లున్నాయి. 2014 అక్టోంబర్ కరీంనగర్ జిల్లా చొప్పదండి ఎస్‌బీఐ బ్యాంకులో చోరీకి పాల్పడింది ఈ ముఠా సభ్యులే. మొత్తానికి సూర్యాపేట కాల్పులకు పాల్పడింది ఉగ్రవాదులు అని తేలిపోయింది. అందులో ఇద్దరు ఉగ్రవాదులను పోలీసులు మట్టుబెట్టారు. అయితే మొత్తం ఐదు మంది ఉన్న ఉగ్రవాద ముఠాలో ఇప్పటికి ఇద్దరు మాత్రం హతమయ్యారు. కాగా మిగిలిన ముగ్గురు ఉగ్రవాదులు ఎక్కడ ఉన్నారు ఏం చేస్తున్నారన్నది ప్రశ్నగా మారింది. ప్రస్తుతానికి సూర్యాపేట కాల్పుల ఘటనకు ముగింపు లభించిందని అందరూ అనుకునే సమయంలో ఇలా ఉగ్రవాదులు ఇంకా కొంత మంది బయట ఉన్నారని సమాచారం. దాంతో పోలీసుల పని మొదటికి వచ్చింది. మిగిలిన ఉగ్రవాదుల జాడ కోసం మరోసారి తమ నిఘా వ్యవస్థను అలర్ట్ చేసింది. మరి ఆ ఉగ్రవాదులను ఎప్పటికి పట్టుకుంటారో..

- అభినవచారి