‘చందమామ కథలు’ మూవీకి ‘ఉత్తమ తెలుగు చిత్రం’గా జాతీయ అవార్డు

Posted: 03/24/2015 06:34 PM IST

ఇండియన్ సినీ ఇండస్ట్రీలో అత్యంత ప్రతిష్టాత్మక అవార్డులైన జాతీయ అవార్డుల కమిటీ 2014 సంవత్సరానికిగాను తాజాగా జాబితాను ప్రకటించింది. ఈ అవార్డుల్లో ఉత్తమ తెలుగు చిత్రంగా ‘చందమామ కథలు’ సినిమా ఎంపికైంది. ప్రవీణ్ సత్తారు దర్శకత్వంలో రూపొందిన ఈ సినిమాలో మంచులక్ష్మీతోపాటు ఇతర సినీ ప్రముఖులు, యువ నటీనటులు నటించారు. గత సంవత్సరంలో విడుదలైన ఈ చిత్రం విమర్శకుల నుంచి ప్రశంసలు అందుకుంది.

ఎనిమిది భిన్న నేపథ్యాల్లోని ఎనిమిది కథలను అద్భుతమైన భావోద్వేగాలతో ఒక సినిమాగా తీయడమే ఈ సినిమాకి ప్రధాన ఆకర్షణగా నిలిచింది. అదే ఈ సినిమాకు జాతీయ అవార్డుల్లో ఉత్తమ తెలుగు చిత్రంగా ఎంపికయ్యేలా చేసింది. బాక్సాఫీస్ దగ్గర అంతగా మాయాజాలం చూపించిన ఈ సినిమా.. జాతీయ అవార్డుల్లో ఉత్తమ చిత్రంగా ఎన్నికవ్వడంపై విశేషంగా భావిస్తున్నారు. ఈ అవార్డు లభించడంతో ఆ మూవీ యూనిట్ తోపాటు టాలీవుడ్ హర్షం వ్యక్తం చేస్తోంది.

ఈ జాతీయ అవార్డుల్లో భాగంగా ఇతర భాషాచిత్రాలు ఉత్తమ చిత్రాలు, ఉత్తమ నటీనటుల, ఇతర కేటగిరికీ సంబంధించినవారి పేర్లను కూడా వెల్లడించడం జరిగింది. మే 3వ తేదీన ఢిల్లీలోని విజ్ఞాన్ భవన్ లో జరిగే కార్యక్రమంలో రాష్ట్రపతి ప్రణబ్ ముఖర్జీ చేతులమీదుగా ఈ పురస్కార ప్రదానోత్సవం జరుగుతుంది.

ఉత్తమ తెలుగు చిత్రం        - చందమామ కథలు
ఉత్తమ నటుడు        - కన్నడ నటుడు సంచారి విజయ్ (నాను అవనల్ల అవలు)
ఉత్తమ నటిగా        - కంగనా రనౌత్ (క్వీన్)
ఉత్తమ జాతీయ చిత్రంగా        - క్వీన్
ఉత్తమ మరాఠీ చిత్రం         - కిల్లా
ఉత్తమ కన్నడ చిత్రం         - హరివు
ఉత్తమ బెంగాలీ చిత్రం        - నిర్వాసితో
ఉత్తమ యానిమేషన్ చిత్రం     - సౌండ్ ఆఫ్ జాయ్
ఉత్తమ గాయకుడు        - సుఖ్వీందర్ సింగ్
ఉత్తమ కొరియోగ్రఫీ        - హైదర్
ఉత్తమ సంగీతం        - హైదర్
ఉత్తమ కాస్ట్యూమ్ డిజైనర్         - డాలీ అహ్లువాలియా (హైదర్)
ఉత్తమ సంభాషణ        - హైదర్
ఉత్తమ చిత్రంగా        - కోర్ట్ (మరాఠీ)
ఉత్తమ ప్రజాదరణ పొందిన చిత్రం     - మేరీ కోమ్ (బాక్సర్ మేరీకోమ్ జీవిత కథ)
ఉత్తమ దర్శకుడు        - శ్రిజిత్ ముఖర్జీ (బెంగాలీ దర్శకుడు)
ఉత్తమ సహాయనటుడు         - బాబీ సింహ (జిగార్తాండ)
ఉత్తమ సహాయనటి         - బల్జిందర్ కౌర్ (పగ్డీ ద హానర్)(హర్యాన్వీ)