ఘోర రైలు ప్రమాదం.. 15 మంది మృతి.. ఎక్స్ గ్రేషియా ప్రకటన

Posted: 03/20/2015 01:44 PM IST

కాంగ్రెస్ అధినేత్రి ప్రాతినిథ్యంవహిస్తున్న రాయ్ బరేలిలో ఘోర రోడ్డు ప్రమాదం జరిగింది. ఉత్తరప్రదేశ్‌లోని రాయ్‌బరేలీలో గల బచ్రావా రైల్వేస్టేషన్ సమీపంలో జనతా ఎక్స్‌ప్రెస్ రైలు పట్టాలు తప్పింది. ఈ  ఘటనలో 15 మంది మృతి చెందగా, మరో 150 మందికి గాయాలైయ్యాయి. అయితే గటన జరిగిన వెంటనే స్థానిక అధికారులు, రైల్వే సిబ్బంది సహాయక చర్యలను చేపట్టారు. ఈ ప్రమాదం ఫలితంగా పలు రైళ్ల రాకపోకలకు తీవ్ర అంతరాయం కలిగింది. ప్రమాద ఘటనపై అధికారులు విచారణకు ఆదేశించారు.

ప్రతి సారి రైలు ప్రమాదాలు జరగడం , విచారణకు ఆదేవించడం మామూలైపోయింది. చనిపోయిన వారి కుటుంబాలకు ప్రభుత్వం ఎంతో కొంత నష్టపరిహారాన్ని ప్రకటించడమూ మామూలే. తాజా ప్రమాదంలో మృతుల కుటుంబాలకు ఆ రాష్ట్ర ముఖ్యమంత్రి అఖిలేష్‌యాదవ్ 2 లక్షల నష్టపరిహారాన్ని ప్రకటించారు. అదేవిధంగా క్షతగాత్రులకు  50 వేలను పరిహారంగా ప్రకటించారు.

- అభినవచారి