ఎమ్మెల్సీ ఎన్నికల షెడ్యూల్ మార్పు..మార్చ్ 22న పోలింగ్

Posted: 02/25/2015 09:48 AM IST

తెలంగాణ రాష్ట్రంలో జరుగనున్న ఎమ్మెల్సీ పట్టభద్రుల ఎన్నికల తేదీల్లో మార్పులు చేస్తూ రాష్ట్ర ఎన్నికల సంఘం ఉత్తర్వులు జారీ చేసింది. ఇంటర్మీడియట్ పరీక్షల నేపథ్యంలో ఈ మార్పులు చేసినట్లు ఎన్నికల సంఘం పేర్కొంది. ముందు ప్రకటించిన విధంగా ఎమ్మెల్సీ ఎన్నికల పోలింగ్, మార్చి 16న కాకుండా 22వ తేదీన జరుగనుంది. ఉదయం 8 గంటల నుంచి సాయంత్రం 4 గంటల వరకు పోలింగ్ జరుగుతుంది. నామినేషన్లకు ఆఖరు తేది ఫిబ్రవరి 26గా, తరువాతి రోజు నామినేషన్ల పరిశీలన, మార్చి 2 వరకు నామినేషన్ల ఉపసంహరణకు గడువు విధించారు. మార్చి 25వ తేదిన కౌటింగ్ నిర్వహించనున్నట్లు ఎన్నికల కమీషన్ ప్రకటన విడుదల చేసింది.
- అభినవచారి