మాంఝీ, నితీష్ కుర్చీ ఆట

Posted: 02/09/2015 04:46 PM IST

నితీష్ కుమార్ సిఎం కోసం ప్రయత్నాలను ముమ్మరం చేస్తున్నారు. అందులో భాగంగా తనకు మద్దతుగా నిలిచిన 130 మంది ఎమ్మెల్యేలతో కలిసి గవర్నర్ ను కలిసారు. అయితే అంతకు ముందు  బీహార్ ప్రస్తుత సిఎం మాంఝీ గవర్నర్ ను కలిసి తనకు మెజార్టీ ఉందని, అవసరమైతే బల నిరూపనకు సిద్దమని గవర్నర్తో అన్నట్లు సమాచారం. కాగా నితీష్ కుమార్ మాత్రం తనకు మద్దతుగా 130 ఎమ్మెల్యేలు ఉన్నారని కావున అవకాశం ఇస్తే మెజార్టీ నిరూపించుకొని, కొత్త ప్రభుత్వాన్ని ఏర్పాటు చేస్తానని గవర్నర్ ను కోరినట్లు సమాచారం. పార్టీ నుండి మాంఝీని తీసివేస్తున్నట్లు జెడియు ప్రకటించింది. మరోపక్క తనకు పూర్తి మెజారిటీ ఉందని కావున పదవిలో కొనసాగుతానని జితిన్ రామ్ మాంఝీ తెలిపారు. నితీష్ కుమార్ మాత్రం తనకు అవకాశం ఇవ్వకపోతే 130 మంది ఎమ్మెల్యేలతో కలసి రాష్ట్రపతి భవన్ ముందు పరేడ్ నిర్వహిస్తామని ప్రకటించారు. మొత్తానికి బీహార్ రాజకీయం గంటకోమలుపు తిరుగుతోంది.